حیدرآباد، 25 جنوری (ہ س)۔ ہندوستان کے خلاف راجیو گاندھی اسٹیڈیم میں کھیلے جا رہے پہلے ٹیسٹ میچ کے پہلے دن لنچ تک انگلینڈ نے 3 وکٹوں پر 108 رن بنا لیے ہیں۔ روٹ 18 اور بیرسٹو 32 رن بنا کر ناٹ آوٹ ہیں۔
میچ میں انگلینڈ نے ٹاس جیت کر پہلے بلے بازی کا فیصلہ کیا۔ جیک کراولی اور بین ڈکٹ نے انگلش ٹیم کو اچھا آغاز فراہم کیا۔ دونوں بلے بازوں کو بھارتی تیز گیندبازورں کو کھیلنے میں کسی قسم کی پریشانی کا سامنا نہیں کرنا پڑ رہا تھا، جس کو دیکھتے ہوئے بھارتی کپتان روہت شرما نے اسپن بولنگ کو حملے لگایا۔ اس کا فائدہ جلد ہی ٹیم کو بھی ملا، جب روی چندرن ایشون نے بین ڈکٹ کو ایل بی ڈبلیو آوٹ کرٹیم انڈیا کو پہلی کامیابی دلائی ۔ ڈکٹ نے 35 رنز بنائے۔ ڈکٹ نے کراولی کے ساتھ مل کر پہلی وکٹ کے لیے 55 رن جوڑے۔
اس کے بعد رویندرا جڈیجا نے 58 کے مجموعی اسکور پر اولی پوپ (01) کو آوٹ کر کے بھارت کو دوسری کامیابی دلائی۔ جلد ہی، اشون نے 60 کے مجموعی اسکور پر کراولی کو محمد سراج کے ہاتھوں کیچ کروا کر بھارت کو تیسری کامیابی دلائی۔ کراولی نے 20 رن بنائے۔
یہاں سے جو روٹ اور جونی بیرسٹو نے انگلش اننگز کو سنبھالا اور لنچ تک مزید نقصان نہیں ہونے دیا۔ اب تک دونوں کے درمیان چوتھی وکٹ کے لیے 48 رنوں کی شراکت ہو چکی ہے۔ روٹ 18 اور بیرسٹو 32 رنز بنا کر ناٹ آوٹ ہیں۔ بھارت کی جانب سے روی چندرن ایشون نے 2 اور رویندرا جڈیجا نے 1 وکٹ حاصل کی۔
