بی جے پی اور کانگریس کے قد آور لیڈر دھرم شالہ میں ایک ساتھ میچ سے لطف اندوز ہو رہے ہیں

دھرم شالہ، 22 اکتوبر 

بھارت اور نیوزی لینڈ کے درمیان کھیلے جا رہے آئی سی سی ورلڈ کپ میچ سے لطف اندوز ہونے کے لیے بی جے پی کے قومی صدر جے پی نڈا، وزیر اعلیٰ سکھویندر سنگھ سکھو اور مرکزی وزیر انوراگ ٹھاکر سمیت کئی بڑی شخصیات دھرم شالہ میں موجود ہیں۔ ان کے علاوہ بی سی سی آئی کے سیکرٹری جے شاہ اور آئی پی ایل کے صدر ارون دھومل بھی میچ سے لطف اندوز ہو رہے ہیں۔ خاص بات یہ ہے کہ سیاست میں ایک دوسرے کے حریف ہونے کے باوجود کھیل کے اس کمبھ میں سب ایک ساتھ بیٹھ کر اس بڑے مقابلے کا مزہ لے رہے ہیں۔ بی سی سی آئی کے نائب صدر اور کانگریس لیڈر راجیو شکلا بھی اس میچ کو دیکھنے دھرم شالہ پہنچ گئے ہیں۔

اس سے پہلے دن میں، بی جے پی کے قومی صدر جے پی نڈا، جو دہلی سے گگل ہوائی اڈے پر پہنچے، پارٹی کے ریاستی صدر راجیو بندل، سابق وزیر اعلی جئے رام ٹھاکر اور دیگر رہنماو¿ں اور کارکنوں نے گرمجوشی سے استقبال کیا۔