میڈرڈ، 14 نومبر (ہ س)۔ ہسپانوی فٹبال کلب ولاریال نے مارسیلینو گارشیا ٹورل کو اپنا ہیڈ کوچ مقرر کیا ہے۔ کلب کے ساتھ مارسیلینو کا یہ دوسرا دور ہوگا۔ 58 سالہ مارسیلینو جون 2026 کے آخر تک کلب کے ساتھ رہیں گے۔
واضح ہو کہ 2013-16 سے ولاریال کی قیادت کرنے کے بعد ٹورل کی واپسی ہوئی ہے۔ انہوں نے ایک ایسے کلب کا چارج سنبھالا ہے جو ہسپانوی لیگ میں 14 ویں نمبر پر ہے اور اس نے اپنے 13 میچوں میں سے صرف تین جیتے ہیں، تین ڈرا ہوئے ہیں اور سات ہارے ہیں۔
ولاریال اتوارکے روز ایلٹکو میڈرڈ میں 3-1 سے ہار کر باہر آرہا ہے، جب اس کی قیادت ٹیم کے اسپورٹنگ ڈائریکٹر، عبوری کوچ میگوئل اینجل ٹینانے کیا تھا۔
مارسیلینو اس سے قبل اسپورٹنگ گیجون، ریسنگ سیٹنڈر، ریکریٹیو ہیولوا، سیویلا، ویلنسیا اور ایتھلیٹک بلباو کی کوچنگ کر چکے ہیں۔
مارسیلینو ولاریال کے سیزن کے تیسرے کوچ بنے اور جوس لوئس روزو ‘پاچیٹا’ کی جگہ لیں گے، جنہیں جمعہ کو صرف آٹھ لا لیگا میچوں کے بعد برطرف کر دیا گیا تھا۔
روزو نے ولاریال کو تمام مقابلوں میں 12 میچوں میں صرف پانچ جیت سے ہمکنار کرایا تھا۔ انہوں نے ستمبر میں کوئک اسیٹین کی جگہ لی جب کلب نے سیزن شروع کرنے کے لیے اپنے پہلے چار میں سے تین میچ ہارے تھے ۔ سیٹین کی قیادت میں ولاریال گزشتہ سیزن میں پانچویں نمبر پر رہا اور 2022 میں یونائی ایمری کے تحت چیمپئنز لیگ کے سیمی فائنل میں پہنچا۔
ہندوستھان سماچار
