نئی دہلی ،10دسمبر (ہ س )۔
ڈبلیو پی ایل 2024کی نیلامی میں شامل ہونے والی دفاعی چمپئن ممبئی انڈینز نے اپنے زیادہ تر اہم کھلاڑیوں کو ریٹین کیا تھا اور انہیں زیادہ خریداری نہیں کرنی تھی ۔
فرنچائز نے نیلامی سے قبل کل چار کھلاڑیوں کو ریلیزکیا تھا اور پانچ سلاٹ خالی تھے، جن میں ایک بیرون ملک بھی شامل تھا۔ نیتا امبانی کی ملکیت والی ممبئی انڈینز کے پاس نیلامی کے لیے 2.1 کروڑ روپے تھے اور انہوں نے اس بارے میں بہت اچھی حکمت عملی بنائی تھی کہ کن کھلاڑیوں کو خریدنا ہے۔
ہفتہ کو ممبئی میں ہونے والی نیلامی کے دوران ممبئی انڈینز نے سب سے پہلے آسٹریلوی آل راو¿نڈر اینابیل سدرلینڈ کو خریدنے کی کوشش کی اور اس کے لیے اپنے پرس کی تقریباً پوری قیمت داو¿ پر لگا دی، لیکن آخر میں دہلی کیپٹلز نے 2 کروڑ روپے کی بولی لگا کر جیت لیا۔
ممبئی انڈینز اپنی تیز گیند بازی کو مضبوط بنانا چاہتی تھی اور اسی لیے اس نے جنوبی افریقہ کی سابق فاسٹ بولر شبنم اسماعیل کا رخ کیا اور انہیں خریدنے میں کامیاب رہے۔ اس طرح، ممبئی کی ٹیم کے پاس دستیاب ایک غیر ملکی سلاٹ بھر گیا اور اس نے دیگر چار سلاٹس کے لیے ہندوستانی ان کیپڈ کھلاڑیوں کو شامل کیا۔
ڈبلیو پی ایل 2024 نیلامی میں اپنے تمام سلاٹ بھرنے کے باوجود، ممبئی انڈینز کے پاس 45 لاکھ روپے رہ گئے۔ اب ممبئی کے اسکواڈ میں کل 18 کھلاڑی ہیں جن میں سے 6 غیر ملکی ہیں۔
WPL 2024 نیلامی میں ممبئی انڈینز کے ذریعے خریدے گئے کھلاڑیوں کی فہرست
شبنم اسماعیل (جنوبی افریقہ – 1.20 کروڑ)، ایس سجنا (بھارت – 15 لاکھ)، امندیپ کور (بھارت – 10 لاکھ)، فاطمہ جعفر (بھارت – 10 لاکھ)، کیرتن بالاکرشنن (بھارت – 10 لاکھ)
ہندوستھان سماچار
