پی کے ایل میں بطور ریفری موقع دینے کے لیے منتظمین کا شکریہ: دمینتی بورو
جے پور، 13 جنوری (ہ س)۔ دمینتی بورو کئی سالوں سے شمال مشرق میں کبڈی کی کوچ کے طور پر قیادت کر رہی ہیں۔ حالانکہ وہ ہمیشہ امپائرنگ میں دلچسپی رکھتی ہیں اور اس سیزن میں پہلی بار پرو کبڈی لیگ میں تکنیکی آفیسر بننے کا اپنا خواب پورا کیا۔
پرو کبڈی لیگ کی جانب سے لئے گئے ایک انٹرویو میں جب بورو سے پوچھا گیا کہ وہ اس کھیل سے کیسے متعارف ہوئیں تو انہوں نے کہا، ’’میرا بڑا بھائی بھالا پھینک کھلاڑی تھا اور میں اس کے ساتھ میدان میں جاتی تھی۔ میں اس وقت چھٹی جماعت میں تھی۔ تب میں نے کچھ لڑکیوں کو میدان میں کبڈی کی مشق کرتے دیکھا تھا۔ پھر میں نے بھی ان کے ساتھ سائی ٹرینی کے طور پر شمولیت اختیار کی۔ اس کے بعد میں نے ریاستی اور قومی مقابلوں میں حصہ لیا، لیکن میں بین الاقوامی ٹورنامنٹس میں نہیں کھیل سکی۔‘‘
اپنے کھیل کے کیریئر کے بعد بورو 2015 میں امیچور کبڈی فیڈریشن آف انڈیا(اے کے ایف آئی) کے ذریعہ منعقدہ امتحان پاس کرنے کے بعد ایک پیشہ ور کبڈی کوچ بن گئیں۔
امپائرنگ میں انہوں نے اپنا مقام کیسے بنایا، اس کے بارے میں انہوں نے کہا، ’’میں بنیادی طور پر کبڈی کوچ ہوں، میں اس وقت گوہاٹی میں آسام حکومت کے ساتھ کام کر رہی ہوں۔ لیکن مجھے ہمیشہ سے امپائرنگ میں دلچسپی رہی ہے۔ اس لیے جب بھی مجھے موقع ملا، میں کچھ گھریلو ٹورنامنٹس میں امپائرنگ کر رہی ہوں۔‘‘
جب بورو سے پوچھا گیا کہ انہوں نے پرو کبڈی لیگ میں ریفری کا کردار کیسے حاصل کیا تو انہوں نے کہا، ’’پرو کبڈی لیگ نے 2019 میں آسام میں ریفری سلیکشن کیمپ کا انعقاد کیا تھا اور کیمپ کے دوران مجھے پی کے ایل کے لیے منتخب کیا گیا تھا۔ میں ایک ورکشاپ کے لیے ممبئی کئی تھی۔ لیکن میں سیزن 7 میں امپائرنگ نہیں کر سکی کیونکہ اس وقت میرے آجر (ایمپلائر) نے مجھے پی کے ایل میں امپائرنگ کرنے کی اجازت نہیں دی تھی۔‘‘
حالانکہ بورو کو ایک بار پھر پی کے ایل میں امپائرنگ کا موقع ملا۔انہوں نے کہا، ’’مجھے جولائی 2023 میں آسام حکومت میں کبڈی کوچ کی نوکری ملی اور پھر مجھے ایک بار پھر پرو کبڈی لیگ میں امپائرنگ کا موقع ملا۔ جس وقت میرے آجر نے اجازت دی۔ مجھے پی کے ایل میں امپائرنگ کرنی ہے اور اسی لیے میں یہاں ہوں۔ میں اس موقع پر مشال اسپورٹس کا شکریہ ادا کرنا چاہتی ہوں۔‘‘
ریفری نے یہ بھی کہا کہ وہ فی الحال دو کاموں کے درمیان جھول رہی ہیں۔ بورو نے کہا، ’’لہٰذا فی الحال میں پی کے ایل سیزن 10 میں متبادل مقامات پر امپائرنگ کر رہی ہوں۔ جب میں پی کے ایل سیزن 10 میں امپائرنگ نہیں کر رہی ہوتی ہوں تو میں گوہاٹی میں اپنی کوچنگ کی نوکری پر واپس چلی جاتی ہوں۔‘‘
ہندوستھان سماچار
/شہزاد
