لاہور، 22 جنوری (ہ س)۔ پاکستان کرکٹ بورڈ (پی سی بی) کی جانب سے بنگلہ دیش پریمیئر لیگ (بی پی ایل) میں کھیلنے کے لیے این او سی دینے سے انکار کے بعد پاکستانی بلے باز محمد حارث وطن واپس آ گئے ہیں ۔
حارث چٹگرام چیلنجرز اسکواڈ کا حصہ تھے لیکن پی سی بی کی اجازت کے مطابق جولائی 2023 سے جولائی 2024 تک کے دوران دو بیرون ملک ٹی ۔20 ٹورنامنٹس میں پہلے ہی کھیل چکے ہیں۔
انہوں نے گزشتہ سال جولائی اگست میں لنکا پریمیئر لیگ اور گلوبل ٹی ۔20 کینیڈا میں حصہ لیا تھا۔ انہوں نے ان ٹورنامنٹس میں بالترتیب بی لو کینڈی اورسرے جیگوار کے لیے کھیلا۔
حارث نے کہا کہ وہ ٹورنامنٹ کی تیاری کے لیے جلد ملک آگئے تھے لیکن بعد میں معلوم ہوا کہ این او سی جاری نہیں کیا جائے گا۔
انہوں نے ایک بیان میں کہا، ”میرا خیال رکھنے اور مجھے یہ موقع دینے کے لیے چٹگرام ٹیم انتظامیہ اور بی سی بی کا شکریہ۔ میں نے بنگلہ دیش میں اپنے مداحوں کو کچھ بہترین کھیل دکھانے کے لیے خود کو تیار کرنے کے لیے وقت پر پرواز بھری۔ بدقسمتی سے، میرا این او سی جاری نہیں کیا گیا۔ اس لیے میں کوئی میچ نہیں کھیلوں گا۔ مجھے معلوم تھا کہ میری ٹیم کو میری ضرورت ہے۔ امید ہے کہ میں اگلے سال اس میں شامل ہو جاو¿ں گا۔ میں بی پی ایل کھیلنے کو ضرور مس کروں گا۔“
چٹگرام چیلنجرز نے سیزن کے اپنے پہلے میچ میں سلہٹ اسٹرائیکرز کو شکست دی، دوسرے گیم میں کھلنا ٹائیگرز سے ہار گئی۔ چٹگرام فرنچائزی نے ابھی تک حارث کے متبادل کا اعلان نہیں کیا ہے۔
ہندوستھان سماچار
