پاک بھارت میچ سے پہلے وقار نے کہا- کھلاڑی میدان میں پیشے ور، باہر دوست
نئی دہلی، 13 اکتوبر (ہ س)۔ پاکستان کے سابق کپتان اور تیز گیندباز وقار یونس نے آئی سی سی ون ڈے ورلڈ کپ سے قبل کہا ہے کہ کھلاڑی میدان میں پیشے ور ہوتے ہیں لیکن باہر سب دوست ہوتے ہیں۔
وقار نے جمعرات کو یہاں مشہور چاکلیٹ کمپنی فیبیل کی جانب سے منعقدہ ایک تقریب میں کہا کہ جب ہم میدان میں ملک کے لیے کھیلتے ہیں تو پیشہ ورانہ رویہ اپناتے ہیں، اس دوران ہم جارحانہ بھی ہوتے ہیں اور سلیجنگ وغیرہ بھی کرتے ہیں۔
وقار نے 1996 کے ورلڈ کپ میں پاکستان اور بھارت کے میچ کا ذکر کرتے ہوئے کہا کہ اس میچ میں اجے جڈیجا نے آخری اوور میں ان کے خلاف کافی رن بنائے، میچ میں دونوں ممالک کے کھلاڑیوں کے درمیان کچھ سلیجنگ بھی ہوئی، لیکن یہ سب کچھ صرف میدان میں تھا۔ میدان کے باہر ان کی جڈیجا کے ساتھ بہت اچھی دوستی ہے اور وہ میرے فیملی فرینڈ کی طرح ہیں۔
انہوں نے تسمانیہ میں آسٹریلیا کے خلاف کھیلے گئے ٹیسٹ میچ کا بھی ذکر کیا جس میں جسٹن لینگر اور ایڈم گلکرسٹ نے سنچریاں بنائی تھیں۔
وقار نے کہا کہ اس میچ میں لینگر اور گلکرسٹ نے سنچریاں اسکور کیں، میں نے لینگر کو سلیج بھی کیا لیکن اندر سے خوفزدہ بھی تھا، کیونکہ لینگر کو کراٹے میں بلیک بیلٹ ملے ہیں، لیکن جب وہ میدان کے باہر ملے تو ان کا رویہ بچوں جیسا تھا۔ وہ بہت دوستانہ ہے اور اب میرے بہترین دوستوں میں سے ایک ہے۔
اس پروگرام میں ہندوستانی وکٹ کیپر بلے باز دنیش کارتک اور آسٹریلیا کی خواتین کرکٹ ٹیم کی سابق کپتان لیزا اسٹیلکر بھی موجود تھیں۔
کارتک اور لیزا نے بھی وقار کی حمایت کی اور کہا کہ کھیل ملکوں کو جوڑتے ہیں اور کئی ممالک کو ایک دوسرے کے قریب لانے کا کام بھی کیا ہے۔ ہماری خوش قسمتی ہے کہ ہم کھیلوں سے وابستہ ہیں۔
تقریب کے دوران فیبیل کی نئی چاکلیٹ پروڈکٹ ’’ون ارتھ‘‘ کو بھی لانچ کیا گیا۔ آسٹریلوی شیف اینڈی ایلن اور فیبیل ون ارتھ کے چیف آپریٹنگ آفیسر روہت ڈوگرا بھی اس تقریب میں موجود تھے۔
ہندوستھان سماچار
/شہزاد
