نئی دہلی ،22اکتوبر (ہ س )۔
پاکستان کرکٹ ٹیم کے لئے ورلڈ کپ کے دوران حالات اچھے نہیں نظر آ رہے ہیں ۔ ایک طرف ٹیم کو شکست کا سامنا ہے تو دوسری طرف اس کے اوپنر بلے باز زخمی چل رہے ہیں ایک بار پھر افغانستان کے خلاف پاکستان کرکٹ ٹیم کے اوپننگ بلے باز فخر زمان گھٹنے کی انجری سے مکمل نجات نہیں پاسکے ہیں اور وہ میچ میں سلیکشن کے لیے دستیاب نہیں ہوں گے۔پاکستان کرکٹ ٹیم کے ذرائع نے بتایا ہے کہ فخر زمان کے گھٹنے کی انجری کا ری ہیب جاری ہے اور ٹیم مینجمنٹ پ±رامید ہے کہ وہ جنوبی افریقہ کے خلاف میچ سے قبل فٹ ہو جائیں گے۔
ذرائع کا کہنا ہے کہ فخر زمان کے علاوہ ٹیم کے تمام پلیئرز فٹ اور صحت مند ہیں اور افغانستان سے میچ میں سلیکشن کے لیے دستیاب ہوں گے۔ذرائع نے اس بات کی تصدیق کی ہے کہ ٹیم کے تمام پلیئرز نزلہ اور بخار سے نجات پاچکے ہیں۔
واضح رہے کہ بنگلور میں پاکستان کے متعدد پلیئر بخار اور نزلے کا شکار ہوگئے تھے۔آئی سی سی کرکٹ ورلڈ کپ میں پاکستان کرکٹ ٹیم کل اپنا پانچواں میچ افغانستان کے خلاف چنئی کے چدم برم اسٹیڈیم میں کھیلے گی۔اد رہے کہ اس ورلڈ کپ میں فخر زمان نے اب تک صرف ایک میچ نیدر لینڈز کے خلاف کھیلا ہے۔
ہندوستھان سماچار
