نئی دہلی، 25 ستمبر (ہ س)۔
ہندوستان کے چیف سلیکٹر اجیت اگرکر نے جمعرات کو ویسٹ انڈیز کے خلاف 2 اکتوبر سے شروع ہونے والی دو میچوں کی ٹیسٹ سیریز کے لیے 15 رکنی ہندوستانی اسکواڈ کا اعلان کیا ہے۔ اسکواڈ میں نارائن جگدیشن ایک نیا چہرہ ہیں، جب کہ کرون نائر کو ڈراپ کردیا گیا ہے۔ رشبھ پنت کو چوٹ کی وجہ سے ٹیم میں شامل نہیں کیا گیا ہے۔
شبھمن گل کو ایک بار پھر ٹیم کا کپتان مقرر کر دیا گیا ہے۔ رویندر جڈیجہ رشبھ پنت کی غیر موجودگی میں نائب کپتان کے طور پر کام کریں گے۔ پنت انگلینڈ سیریز میں پیر کے فریکچر سے صحت یاب ہونے کی وجہ سے ٹیم سے باہر ہیں۔ دھرو جوریل اور این جگدیشن اسکواڈ میں دو وکٹ کیپر بلے باز ہیں۔ عالمی نمبر 1 بولر جسپریت بمراہ کو ٹیم میں شامل کیا گیا ہے، جب کہ شریس ایئر جو ریڈ بال کرکٹ سے چھ ماہ کے وقفے پر ہیں، ٹیم کا حصہ نہیں ہیں۔ سیریز کا آغاز احمد آباد میں 2 سے 6 اکتوبر تک ہوگا، دوسرا ٹیسٹ 10 سے 14 اکتوبر تک نئی دہلی میں کھیلا جائے گا۔
بھارتی اسکواڈ درج ذیل ہے:
شبھمن گل (کپتان)، یشسوی جیسوال، کے ایل راہل، سائی سدرشن، دیو دت پڈیکل، دھرو جوریل، رویندر جڈیجہ (نائب کپتان)، واشنگٹن سندر، جسپریت بمر ہ، اکشر پٹیل، نتیش ریڈی، محمد سراج، پرسدھ کرشنا، کلدیپ یادو، اور نارائن جگدیشن
ہندوستھان سماچار
ہندوستان سماچار / عطاءاللہ
