ورلڈ کپ: ہندوستان کے خلاف شکست کے بعد ولیمسن نے کہا – نیوزی لینڈ کی سنہری نسل ابھی ختم نہیں ہوئی ہے
ممبئی، 16 نومبر (ہ س)۔ بھارت کے خلاف پہلے سیمی فائنل میں بدھ کی رات 70 رن کی شکست کے ساتھ 2023 عالمی کپ سے اپنی ٹیم کے باہر ہونے کے بعد کپتان کین ولیمسن نے کہا کہ نیوزی لینڈ کے کرکٹرز کی سنہری نسل کے لیے ابھی سب کچھ ختم نہیں ہوا ہے۔
ولیمسن کی سنہری نسل کے کھلاڑیوں نے ابھی تک وائٹ بال فارمیٹ میں ایک ساتھ مل کر ورلڈ کپ نہیں جیتا ہے، لیکن ولیمسن نے زور دے کر کہا کہ ابھی ان کا مستقبل ہے۔
نیوزی لینڈ کی ٹیم ٹورنامنٹ کی سب سے پرانی ٹیموں میں سے ایک ہے، جس کے صرف دو کھلاڑی 28 سال سے کم عمر کے ہیں اور 2027 میں اگلے 50 اوور کے ورلڈ کپ میں اہم کھلاڑی 30 سال کی عمر کے درمیان ہوں گے۔ 34 سالہ تیز گیندباز ٹرینٹ بولٹ اور ٹم ساوتھی، ان کی ٹیم کے سب سےعمردراز کھلاڑی ہیں۔ دونوں ہی بھارت کے خلاف سیمی فائنل میں مہنگے ثابت ہوئے انہوں نے 20 اوورز میں 186 رن دیے اور 4 وکٹیں لیں۔ بھارت نے میچ میں 4 وکٹوں پر 397 رن بنائے۔
ولیمسن نے میچ کے بعد کہا، ’’یہ ایک ٹیم کے طور پر مسلسل کوشش ہے کہ ہم بہتر ہونے کی کوشش کرتے رہیں اور ٹیم کے طور پر جو کچھ ہم حاصل کر سکتے ہیں اس کی حدود کو آگے بڑھاتے رہیں۔‘‘
انہوں نے کہا، ’’میرے خیال میں کچھ اچھے اشارے ہیں۔ یہ ابھی ختم نہیں ہوا ہے لیکن فوکس وہیں ہے۔ آپ ان ٹورنامنٹس میں آتے ہیں اور بہتر کرتے ہیں، چاہے آپ آگے بڑھیں یا نہ کریں لیکن بالآخر، یہ ایک گروپ کے طور پرآگے بڑھنے اور ایک بہتر کرکٹ ٹیم کے بننے کے بارے میں ہے۔ میرے خیال میں سات ہفتے بحیثیت ٹیم ہمارے لیے بہت قیمتی تھے: ہم فطری طور پر آگے جانا چاہتے تھے، لیکن ایسا نہیں ہوا، ہم اس پر غور کریں گے اور اس میں سے بہت کچھ اچھا نکالیں گے۔‘‘
ہندوستھان سماچار
/شہزاد
