میزبان نارتھ ایسٹ یونائیٹڈ کے خلاف میچ میں جیت کی راہ پر واپسی کی کوشش کرے گا موہن باغان
گوہاٹی، 15 دسمبر (ہ س)۔ آج رات اندرا گاندھی ایتھلیٹک اسٹیڈیم میں کھیلے جانے والے انڈین سپر لیگ (آئی ایس ایل) 24-2023 کے میچ میں موہن باغان سپر جائنٹس کا مقابلہ میزبان نارتھ ایسٹ یونائیٹڈ ایف سی سے ہوگا۔
کئی زخمی کھلاڑیوں کے ساتھ جدوجہد کرتے ہوئے میرینرز نےاپنے ہوم گراونڈ پر اپنے آخری آئی ایس ایل میچ میں اڈیشہ ایف سی کو 2-2 کے ڈرا پر روکا تھا۔ ہسپانوی ہیڈ کوچ جوان فیرانڈو کی ٹیم کے سامنے اس سیزن میں دو بڑے اہداف تھے، پہلا آئی ایس ایل میں لیگ ٹیبل میں سرفہرست رہنا اور دوسرا اے ایف سی کپ میں اچھی کارکردگی کا مظاہرہ کرنا۔ گھریلو محاذ پر، انہوں نے لگاتار پانچ جیت کے ساتھ شروعات کی، جو آئی ایس ایل کی تاریخ میں اتنے میچوں کے بعد بہترین ریکارڈ ہے۔
نارتھ ایسٹ یونائیٹڈ ایف سی نے اپنے آخری چار میچوں میں دو ڈرا کھیلے اور دو ہارے ہیں۔ وہ ہائی لینڈرز سے ایک میچ زیادہ کھیل کر چھٹے نمبر پر موجود چنئیین ایف سی سے دو پوائنٹ پیچھے ہیں۔ طاقتور موہن باغان سپر جائنٹس کے خلاف کھیلنا کبھی بھی آسان نہیں ہوتا ہے لیکن انہیں سخت مقابلے کے درمیان فتح حاصل کرنے کے لیے سخت چیلنجوں پر قابو پانا ہوگا۔
آپ کو بتاتے چلیں کہ دونوں ٹیموں کے درمیان اب تک 8 میچ کھیلے جا چکے ہیں، جن میں سے موہن باغان سپر جائنٹ نے 5 اور نارتھ ایسٹ یونائیٹڈ نے 2 جیتے ہیں، جب کہ ایک میچ ڈرا ہوا ہے۔
ہندوستھان سماچار
/شہزاد
