مضبوط ہمت اور کبھی نہ ہارنے والے جذبے کی براہ راست مثال ہیں پیرا پاور لفٹر اشوک
نئی دہلی، 9 دسمبر (ہ س)۔ 2018 میں ایشین پیرا گیمز میں کیریئر کے لیے خطرناک چوٹ نے پیرا پاور لفٹر اشوک کی کسی بڑے ایونٹ میں ہندوستان کے لیے پوڈیم پر کھڑے ہونے کی امیدیں تقریباً ختم کر دیں۔ لیکن یہ ان کی ثابت قدمی اور کبھی ہار نہ ماننے والا رویہ ہی تھا جس نے انہیں چار سال بعد حالیہ ہانگژو ایشین پیرا گیمز میں اپنے خواب کو پورا کرنے میں مدد فراہم کی، جہاں انہوں نے کانسے کا تمغہ جیتا۔
اب اشوک پہلے کھیلو انڈیا پیرا گیمز میں حصہ لینے کے لیے بے تاب اور پوری طرح تیار ہیں اور یہ دکھانے کے لیے کہ کسی کی صلاحیتوں میں عزم اور یقین کیا لا سکتا ہے۔
گولڈن بوائے نیرج چوپڑا سمیت کئی اولمپک تمغہ جیتنے والوں کے گھر، ریاست ہریانہ کی نمائندگی کرتے ہوئے، اشوک 243 پیرا ایتھلیٹس کے ایک بڑے دستے میں شامل ہوں گے جو ثابت قدمی کا شاندار مظاہرہ کرنے کے لیے اور اس بات کو یقینی بنانےکے لیے پوری طرح تیار ہیں کہ ہریانہ پہلے مقام پر ٹاپ پوزیشن پر رہے۔ کھیلو انڈیا پیرا گیمز 2023 اس اتوار 10 دسمبر 2023 سے نئی دہلی میں شروع ہونے والا ہے۔
پرجوش اشوک نے کہا، ’’جب سے 2018 میں کھیلو انڈیا کا پہلا ایڈیشن منعقد ہواتھا، تب سے تمام پیرا ایتھلیٹس سوچ رہے تھے کہ ہمیں کھیلو انڈیا گیمز کا حصہ بننے کا موقع کب ملے گا۔ آخرکار وہ دن آ ہی گیا ہے، بین الاقوامی سطح پر ہندوستان کی نمائندگی کرنا کسی بھی کھلاڑی کا سب سے بڑا خواب ہوتا ہے، لیکن کھیلو انڈیا گیمز کے ارد گرد ایسی گونج ہے کہ ہم سب اس کا حصہ بننے کے لیے بے تاب ہیں۔‘‘
ہندوستان کے پیرا پاور لفٹنگ ہیڈ کوچ جے پی سنگھ نے کہا، ’’اشوک بہت ہی نرم مزاج ہیں۔ وہ اپنی جڑوں سے بہت جڑے ہوئےہیں۔ مجھے نہیں لگتا کہ کسی اور کھلاڑی نے اس طرح کے عجیب حادثے کے بعد کھیل میں واپسی کا خواب دیکھا ہوگا۔ میں اس کی ہڈی کو جلد سے باہر نکلتے ہوئے دیکھ سکتا تھا، لیکن یہ ان کا عزم اور ماں کی دعائیں ہیں جس کی وجہ سے وہ نہ صرف واپس آ رہےہیں، بلکہ ایک دھماکیدار واپسی کر رہے ہیں۔‘‘
ہندوستھان سماچار
/شہزاد
