کوالالمپور ، 4 دسمبر (ہ س)۔
ہندوستانی جونیئر مردوں کی ہاکی ٹیم منگل کوایف ایچ آئی ہاکی مرد جونیئر عالمی کپ ملیشیا2023میں پول سی کے اپنے پہلے میچ میں کوالالمپور کے بکیٹ جلیل میں نیشنل ہاکی اسٹیڈیم میں کوریا سے مقابلہ کرے گی۔ہندوستانی جونیئر مردوں کی ہاکی ٹیم اس کھیل میں کافی اعتماد کے ساتھ جا رہی ہے کیونکہ اس کا کوریا کے خلاف بہتر ریکارڈ ہے۔ دونوں ٹیموں کے درمیان کھیلے گئے چھ میچوں میں سے بھارت نے تین اور کوریا نے دو میں کامیابی حاصل کی ہے جبکہ ایک میچ ڈرا ہوا ہے۔آخری بار دونوں ٹیمیں اس سال کے شروع میں مردوں کے جونیئر ایشیا کپ کے سیمی فائنل کے دوران آمنے سامنے تھیں ، جہاں ہندوستان نے کوریا کے خلاف 9-1 کی زبردست جیت درج کی تھی۔ٹورنامنٹ کے پہلے میچ کے حوالے سے ہاکی انڈیا کی طرف سے جاری کردہ ایک آفیشل بیان میں، ہندوستانی جونیئر مینز ہاکی ٹیم کے کپتان اتم سنگھ نے کہا’ ورلڈ کپ کا انتظار آخرکار ختم ہو گیا ، اور ہمیں اچھی شروعات کرنے کا پورا یقین ہے۔ ہم نے حال ہی میں کوریا کے خلاف کھیلا ہے ، اس لیے ہم چیلنج کو جانتے ہیں ، لیکن ہماری توجہ اپنے منصوبوں کو عملی جامہ پہنانے اور اچھی ہاکی کھیلنے پر مرکوز رہے گی۔
اس دوران کوچ سی آر کمار نے کہا ’ کھلاڑیوں نے سخت محنت کی ہے ، اور ٹورنامنٹ کے لیے پوری طرح تیار ہیں، کوریا ایک معیاری ٹیم ہے ، آپ اسے ہلکے میں نہیں لے سکتے، ہمیں ہر حریف کا احترام کرنا ہوگا ، یہ ایک بڑا مرحلہ ہے ، اس لیے ہم ٹورنامنٹ میں اچھی شروعات کرنے کے لیے چوکنا رہنا ہوگا اور اپنی طاقتوں کا ساتھ دینا ہوگا۔دو بار کے جونیئر ورلڈ چمپئن ہندوستان اپنے پول سی میچوں میں بالترتیب 7 دسمبر کو اسپین اور 9 دسمبر کو کینیڈا کا مقابلہ کرے گا۔ پول مرحلے میں ٹاپ دو فائنل کوارٹر فائنل میں جگہ کی ضمانت دے گا۔اتم سنگھ جو ایف آئی ایچ اوڈیشہ ہاکی مینز جونیئر ورلڈ کپ بھونیشور 2021 میں چوتھے نمبر پر آنے والی ہندوستانی ٹیم کا حصہ تھے ، نے کہا کہ وہ ٹورنامنٹ میں میچ بہ میچ جائیں گے۔
انہوں نے کہا کہ’ ہمیشہ کی طرح ، ہماری توجہ میچ بہ میچ لینے پر ہے اور ہماری ترجیح یہ ہے کہ ہم فاتحانہ آغاز کریں اور پھر ٹورنامنٹ کے اگلے مرحلے میں آگے بڑھنے کے لیے اگلے میچوں پر توجہ دیں۔ٹورنامنٹ کے کوارٹر فائنل ، سیمی فائنل اور فائنل بالترتیب 12، 14 اور 16 دسمبر کو ہوں گے۔ ہندوستان اپنی مہم کا آغاز 5 دسمبر کو کوریا کے خلاف کرے گا۔
ہندوستھان سماچارمحمدخان
