جمناسٹک نیشنل چمپئن شپ: راکیش پاترا آل راونڈ میں سرفہرست، ریلوے نے آرٹسٹک ٹیم کے زمرے میں جیتا طلائی کا تمغہ

جمناسٹک نیشنل چمپئن شپ: راکیش پاترا آل راونڈ میں سرفہرست، ریلوے نے آرٹسٹک ٹیم کے زمرے میں جیتا طلائی کا تمغہ

بھونیشور، 3 جنوری (ہ س)۔ سینئر آرٹسٹک جمناسٹک نیشنل چمپئن شپ کے افتتاحی دن منگل کو بھونیشور کے کلنگا اسٹیڈیم میں جمناسٹک سنٹر میں کچھ دلکش پرفارمنس دیکھنے کو ملے۔

اڈیشہ کے راکیش کمار پاترا نے آل راونڈ کارکردگی میں سرفہرسات مقام حاصل کیا جبکہ ریلوے نے قومی چمپئن شپ کے پہلے دن 293.00 پوائنٹس کے ساتھ طلائی تمغہ جیتا۔ سروسز نے 292.10 پوائنٹس کے ساتھ چاندی کا تمغہ جیتا، جب کہ میزبان اڈیشہ نے 290.40 پوائنٹس کے ساتھ کانسے کا تمغہ جیتا۔

سدھارتھ داس، ڈائریکٹر، اسپورٹس اینڈ یوتھ سروسز اڈیشہ نے افتتاحی تقریب میں بطور مہمان خصوصی شرکت کی۔ اڈیشہ اولمپک ایسوسی ایشن کے سکریٹری اویجیت پال اور اے ایم/این ایس انڈیا کے عہدیدار بھی اس موقع پر موجود تھے۔

راکیش نے 75.05 پوائنٹس کے ساتھ آل راونڈ میں سرفہرست مقام حاصل کیا۔ انہوں نے فلور ایکسرسائز پر 12.15، پومیل ہارس پر 11.35، رنگس پر 14.15، والٹ پر 12.75، پیریلل بارس پر 12.20 اور ہاریجانٹل بارس پر 12.45 پوائنٹس درج کئے۔

ریلوے کے سدھارتھ ورما 74.75 نمبر لے کر دوسرے نمبر پر رہے۔انہوں نے فلور ایکسرسائز پر 11.30، پومیل ہارس پر 12.90، رِنگس پر 12.30، والٹ پر 13.55، پیریلل بارس پر 12.75 اور ہاریجانٹل بارس پر 11.95 نمبر حاصل کیے۔

سرویسز کے گورو کمار 74.65 نمبروں کے ساتھ تیسرے نمبر پر رہے۔ انہوں نے فلور ایکسرسائز پر 12.40، پومیل ہارس پر 11.45، رنگس پر 12.55، والٹ پر 12.45، پیریلل بارس پر 13.25 اور ہاریجانٹل بارس پر 12.55 نمبر حاص کئے۔

اولمپین دیپا کرماکر اور پرنتی نائک سینئر آرٹسٹک جمناسٹک نیشنل چیمپئن شپ 2024 کے دوسرے دن ایکشن میں ہوں گی۔

ہندوستھان سماچار

/شہزاد