برسبین، 8 دسمبر (ہ س)۔ میلبورن اسٹارز کے کپتان گلین میکسویل انجری کے باعث پرتھ اسکارچرز کے خلاف بدھ کے میچ سے باہر ہو گئے ہیں۔میکسویل بگ بیش لیگ (بی بی ایل) سیزن 13 کے افتتاحی میچ میں برسبین ہیٹ کے خلاف بیٹنگ کرتے ہوئے بازو کی انجری کا شکار ہو گئے۔ میکسویل کے 14 گیندوں پر 23 رن بنانے کے باوجود اسٹارز کو 103 رنوں سے شکست کا سامنا کرنا پڑا۔
میلبورن اسٹارز نے جمعے کو جاری کردہ ایک بیان میں کہا، ”میکس ویل جمعرات کی رات برسبین ہیٹ کے خلاف بلے بازی کرتے ہوئے انجری کا شکار ہوگئے اور وہ فوری طور پر اپنی ریکوری کا آغاز کریں گے۔ برسبین ہیٹ کے خلاف گیندبازی کرتے ہوئے پنڈلی کی چوٹ کے نقصان کا پتہ لگانے کے لئے ناتھن کولٹر-نائل کا اس ہفتے کے آخر میں اسکین کرایا جائے گا ۔کلب بدھ کے روز اسکارچرز کے خلاف مقابلے سے قبل ایک اور اپڈیٹ فراہم کرے گا“۔
میکسویل کو ہیٹ کے خلاف میچ کے دوران دو بار طبی امداد ملی، ان کے بازو کے اگلے حصے کو لپیٹا گیا، اور بعد میں گابا میں آوٹ ہونے کے بعدانہیں ڈگ آو¿ٹ میں برف لگاتے ہوئے دکھایا گیا۔ میکسویل کی غیر موجودگی میں مارکس اسٹوئنس کو اوپننگ بلے باز کے طور پر زیادہ بوجھ اٹھانا پڑے گا۔
اسٹارز کو امید ہے کہ میکسویل کے پاس صحت یاب ہونے کے لیے کافی وقت ہے اور وہ ایم سی جی میں اسکارچرز کے خلاف بدھ کے میچ کے بعد 23 دسمبر کو ایلبری میں سڈنی تھنڈر کے خلاف کھیلیں گے۔
ہندوستھان سماچار
