بنگلہ دیش ٹیسٹ دورے کے لیے نیوزی لینڈ کی ٹیم کا اعلان، رویندر، فلپس سمیت 5 اسپنرز شامل
ویلنگٹن، 7 نومبر (ہ س)۔ نیوزی لینڈ نے بنگلہ دیش میں ہونے والی دو ٹیسٹ میچوں کی سیریز کے لیے اپنی ٹیم کا اعلان کر دیا ہے۔ ٹیم میں رچن رویندرا اور گلین فلپس سمیت پانچ اسپنروں کو شامل کیا گیا ہے۔
جنوری 2022 میں ماونٹ ماونگانوئی میں بنگلہ دیش کے ہاتھوں عبرتناک شکست کے بعد ٹیسٹ ٹیم سے باہر کئے گئے رویندر کو بریک آوٹ ون ڈے ورلڈ کپ کے بعد واپس بلا لیا گیا ہے۔ وہ ٹورنامنٹ میں اب تک آٹھ اننگز میں 523 رن بنا چکے ہیں اور مردوں کے ون ڈے ورلڈ کپ میں نیوزی لینڈ کے لیے تین سنچریاں بنانے والے پہلے کھلاڑی بن گئے ہیں۔
مچل سینٹنر کی بھی جون 2021 کے بعد ٹیسٹ ٹیم میں واپسی ہوئی ہے۔ سینٹنر نے 23-2022 پلنکیٹ شیلڈ سیزن میں شمالی اضلاع کے لیے تین میچوں میں 15 وکٹیں حاصل کیں اور 312 رن بنائے۔ مارچ میں ہیملٹن میں اپنے ہوم گراونڈ پر، سینٹنر نے آخری اننگز میں تقریباً 43 اوور تک گیندبازی کی اورآخری اننگ میں چار وکٹیں حاصل کیں، جن میں دو گیندوں میں دو وکٹ بھی شامل ہیں، کیونکہ ناردرن ڈسٹرکٹس نے دو رنز سے اہم جیت حاصل کی تھی۔
حالانکہ اعجاز پٹیل اسپن اٹیک کی قیادت جاری رکھیں گے اور طویل فارمیٹ میں اپنے ساتھ مضبوط فارم لے کر آئیں گے۔ انہوں نے حال ہی میں سنٹرل ڈسٹرکٹس کے لیے اپنی 250ویں فرسٹ کلاس وکٹ لی اور اس سے پہلے مئی میںانہوں نے ڈرہم کے لیے گلوسٹر شائر کے خلاف کاونٹی گیم میں دس وکٹیں حاصل کی تھیں۔
فلپس اور لیگ اسپنر ایش سوڑھی دو دیگر اسپنر ہیں۔ نیوزی لینڈ کے اسپنرز پاکستانی لیجنڈ ثقلین مشتاق کے ساتھ کام کریں گے، جنہیں اس دورے کے لیے نیوزی لینڈ کا اسپن باولنگ کوچ مقرر کیا گیا ہے۔
نیوزی لینڈ کے سلیکٹر سیم ویلز نے کہا، ’’ہم نے ایک ایسی ٹیم کا انتخاب کیا ہے جو ہمیں لگتا ہے کہ بنگلہ دیش میں مقابلہ کر سکتی ہے اور کامیاب ہو سکتی ہے۔ اعجاز، ایش، مچ، گلین اور رچن کے ساتھ، ہمارے پاس ایک مضبوط اسپن گروپ ہے۔ جو سیریزکے دوران اچھی ورائٹی اور آپشنز فراہم کرے گا۔
گزشتہ موسم گرما میں پلنکیٹ شیلڈ مہم میں مِچ کا بیک ہاف مضبوط تھا اور انہوں نے اپنی لال گیند کی گیندبازی اچھی پیش رفت کی ہے۔ رچن بائیں ہاتھ کے اسپنر کا آپشن لے کر آئے ہیں اور پچھلے 18 مہینوں میں گیند کے ساتھ نمایاں طور پر بہتر ہوئے ہیں – اور بلے کے ساتھ اس کی کارکردگی ورلڈ کپ میں نمایاں رہی ہے۔‘‘
یہ دس سالوں میں نیوزی لینڈ کا بنگلہ دیش کا پہلا ٹیسٹ دورہ ہوگا۔ انہیں 2020 میں ملک کا دورہ کرنا تھا، لیکن کووڈ 19 کی وجہ سے اسے منسوخ کر دیا گیا تھا۔
نیوزی لینڈ کی ٹیم اس طرح ہے: ٹم ساوتھی (کپتان)، ٹام بلنڈیل (وکٹ)، ڈیوون کونوے، میٹ ہنری، کائل جیمیسن، ٹام لیتھم، ڈیرل مچل، ہنری نکولس، اعجاز پٹیل، گلین فلپس، رچن رویندر، مچل سینٹنر، سوڑھی، کین ولیمسن، ول ینگ۔
ہندوستھان سماچار
/شہزاد
