معروف پیرا آرم ریسلنگ کھلاڑی شریمنت جھا کو نائب کپتان مقرر کیا گیا
نئی دہلی، 5 دسمبر (ہ س)۔
پرو پنجا لیگ نے ایشین کپ آرم ریسلنگ چمپئن شپ کیلئے ٹیم انڈیا کی کپتان کے طور پر اروناچل پردیش کی اونم گامنو اور نائب کپتان کے طور پر چھتیس گڑھ کے پیرا ایتھلیٹشری منت جھا کو مقرر کیا ہے۔ شری منت جھا پیرا آرم سیسلنگ کے معروف کھلاڑی ہیں جو ٹیم میں شمولیت اور حوصلہ افزائی کی علامت مانے جا رہے ہیں۔
یہ تقرری ایک ایسے وقت میں ہوئی ہے جب اروناچل پردیش حالیہ واقعات کے بعد حب الوطنی کے جذبات سے بھڑک رہا ہے۔ 27 سالہ کپتان اونم گامنو کا تعلق اروناچل پردیش کے مشرقی سیانگ ضلع کے میبو تھانہ علاقے کے گاو¿ں نگپوک سے ہے۔ وہ ملک کی سب سے کامیاب آرم ریسلرز میں سے ایک ہیں۔ انہوں نے ممبئی میں 2024 کے ایشیائی کپ میں ایک چاندی اور ایک کانسی کا تمغہ، 2025 کی نیشنل آرم ریسلنگ چیمپئن شپ میں ایک کانسی کا تمغہ، اور 2023 کی قومی چیمپئن شپ میں دو سونے کے تمغے جیتے تھے۔ اس کی کامیابیاں شمال مشرق کے نوجوانوں کے لیے تحریک کا ذریعہ ہیں۔
نائب کپتان شریمنت جھا نے حال ہی میں ہنگری پیرا آرم ریسلنگ ورلڈ کپ میں چاندی کا تمغہ جیتا ہے۔ خصوصی طور پر معذور کھلاڑیوں کے لیے وہ عزم اور استقامت کی ایک مثال ہیں۔ ان کی موجودگی ٹیم کی قیادت میں نئی توانائی اور طاقت پیدا کرتی ہے۔ کپتان اونم گامنو نے کہا، ہندوستان کی نمائندگی کرنا میرے لیے فخر کی بات ہے۔ میرا ہر قدم ملک کے لیے ہے۔ میں اپنی پوری طاقت سے کھیلوں گا اور ترنگے کو سربلند کروں گا۔
پریتی جھنگیانی، پیپلز آرم ریسلنگ فیڈریشن آف انڈیا (پی اے ایف آئی) کی صدر اور ایشین آرم ریسلنگ فیڈریشن (اے اے ایف) کی نائب صدر نے کہا، اونم گامنو اور شریمنت جھا کا انتخاب ہندوستانی آرم ریسلنگ کی طاقت، مہارت اور جذبے کی علامت ہے۔ اونم کی قیادت اور شریمنت کے غیر معمولی سفر کی نمائندگی کرتا ہے۔
یہ تقرری نہ صرف ٹیم انڈیا کی مسابقتی امنگوں کو تقویت دیتی ہے بلکہ یہ بھی ظاہر کرتی ہے کہ آرم ریسلنگ ایک جامع اور تیزی سے بڑھتا ہوا کھیل بن گیا ہے۔ شمال مشرقی اور مختلف طور پر معذور کمیونٹی دونوں کی نمائندگی کرتے ہوئے، یہ ایتھلیٹ کھیل کی دنیا میں تنوع، مواقع اور بہترین کارکردگی کی نئی مثالیں قائم کر رہے ہیں۔
ہندوستھان سماچار
ہندوستان سماچار / عطاءاللہ
