نئی دہلی ،22اکتوبر (ہ س )۔
جنوبی افریقہ کے ہاتھوں شکست کے بعدانگلینڈ کرکٹ ٹیم کے سابق کپتان ناصر حسین اپنی ٹیم پر برس پڑے ۔ٹیم کی ریکارڈ رنوں سے شکست پر سخت نالا ں ہیں ۔انہوں نے دفاعی چمپئن انگلینڈ پر سخت تنقید کی۔ناصر حسین نے کہا کہ انگلینڈ ٹیم غلط فیصلے کر رہی ہے، ٹاس جیت کر بولنگ کا فیصلہ درست نہیں تھا اور ٹیم میں 3 تبدیلیاں بھی غلط تھیں۔
انہوں نے کہا کہ ممبئی کی گرمی اور حبس میں پہلے بولنگ کرنے کا فیصلہ کیا گیا، کرس ووکس کا فلیٹ پچز پر ردم نہیں، بین اسٹوکس کو ان کی جگہ لانا ٹھیک تھا، باقی تبدیلیاں کیوں کی گئیں، ان تبدیلیوں نے سب کچھ بدل کر رکھ دیا۔ناصر حسین کا کہنا ہے کہ اعداد و شمار کی بنیاد پر ٹاس جیت کر بولنگ کرنا درست نہیں تھا، انگلینڈ اور جنوبی افریقہ کی ٹیمیں پچھلے میچز میں ہدف کے تعاقب میں ناکام رہیں۔انگلینڈ کے سابق کپتان نے کہا کہ ڈیوڈ ویلی کو کریمپس پڑ گئے، بین اسٹوکس بھی مشکل میں نظر آئے، ٹاپلی اور جو روٹ ٹریٹمنٹ کراتے رہے، عادل رشید بخار محسوس کر رہے تھے یہ سب ڈراو¿نا خواب تھا۔ انہوں نے کہا کہ انگلینڈ ایسی ٹیم لگ رہی ہے جس میں اعتماد نہیں، 3 شکستوں سے انہیں افسوس اور نقصان رہے گا، انگلینڈ نے برانڈ کی کرکٹ کھیلی اب کیسے باو¿نس بیک کرے گی۔
سابق کپتان نے یہ بھی کہا کہ اعزاز کے دفاع کے لیے اب تمام گیم جیتنا ہیں جو اس وقت انگلینڈ نہیں کر سکتی، انگلینڈ کی ٹیم اچھا کر سکتی ہے لیکن انہیں اپنی فیصلہ سازی درست کرنا ہو گی۔واضح رہے کہ گزشتہ روز انٹرنیشنل کرکٹ کونسل (آئی سی سی) ورلڈ کپ 2023ء کے 20ویں میچ میں جنوبی افریقہ نے دفاعی چمپئن انگلینڈ کو 229 رنز کے بڑے مارجن سے شکست دی تھی۔
ہندوستھان سماچار
