نئی دہلی ،17نومبر :۔
ہندوستان اور آسٹریلیا کے درمیان ہونے والے فائنل میچ سے قبل ہندوستانی ٹیم کے سابق کرکٹر گوتم گمبھیر نے بڑا ردعمل دیا ہے۔ انہوں نے کہا ہے کہ اگرچہ آسٹریلوی ٹیم نے جنوبی افریقہ کے خلاف سنسنی خیز میچ تین وکٹوں سے جیتا لیکن ان کی ٹیم میں اب بھی اتنی طاقت نہیں ہے۔
ورلڈ کپ 2023 کے دوسرے فائنل میں پانچ مرتبہ کی عالمی چمپئن آسٹریلیا نے جنوبی افریقہ کو تین وکٹوں سے شکست دے دی۔ اس فتح کے ساتھ ہی آسٹریلیا نے ٹورنامنٹ کے فائنل میں جگہ بنالی ہے۔ اس میچ میں جنوبی افریقہ نے پہلے بیٹنگ کرتے ہوئے 49.2 اوورز میں 212 رنز بنائے۔ ٹیم کی جانب سے ڈیوڈ ملر نے 101 رنز کی شاندار اننگز کھیلی۔ جواب میں آسٹریلیا نے یہ ہدف 47.2 اوورز میں سات وکٹوں کے نقصان پر حاصل کر لیا۔
ون ڈے ورلڈ کپ کی تاریخ میں 20 سال بعد ورلڈ کپ کا فائنل میچ بھارت اور آسٹریلیا کے درمیان کھیلا جائے گا۔ آخری بار فائنل میچ بھارت اور آسٹریلیا کے درمیان 2003 میں کھیلا گیا تھا جس میں کینگرو ٹیم نے 125 رنز سے کامیابی حاصل کی تھی۔ دونوں ٹیموں کے درمیان زبردست میچ کھیلے جانے کی توقع ہے اور یہ بہت اچھا فائنل ثابت ہو سکتا ہے۔
گوتم گمبھیر کے مطابق کنگارو ٹیم میں اب بھی کمزوریاں ہیں لیکن وہ بڑے میچوں میں جیتنا جانتے ہیں۔ اسٹار اسپورٹس پر گفتگو کے دوران گوتم گمبھیر نے کہا مجھے نہیں لگتا کہ آسٹریلیا نے سیمی فائنل میچ میں اپنا اے گیم دکھایا۔ آسٹریلوی ٹیم اب بھی بہت کمزور ہے لیکن ہاں، وہ ناک آو¿ٹ میچز جیتنا جانتے ہیں۔ ہندوستان کو فائنل میچ میں اپنا اے گیم دکھانا ہوگا اور وہ پچھلے 10 میچوں سے ایسا کر رہا ہے۔ احمد آباد میں آسٹریلیا کے سامنے ہندوستانی ٹیم کا اعتماد بہت اچھا رہے گا۔
ہندوستھان سماچار
