دبئی ، 4 دسمبر (ہ س)۔
انٹرنیشنل کرکٹ کونسل (آئی سی سی) نے منگل کو پرائم ویڈیو کے ساتھ آسٹریلیا میں آئی سی سی ایونٹس کی خصوصی براہ راست نشریات کے لیے چار سالہ معاہدے پر دستخط کیے ، جو پرائم ویڈیو آسٹریلیا پر دستیاب ہوگا۔
شراکت داری کے تحت، پرائم ویڈیو آسٹریلیا خصوصی طور پر مردوں اور خواتین کے کرکٹ کے تمام ایونٹس کو اسٹریم کرے گا ، بشمول مینز اینڈ ویمنز کرکٹ ورلڈ کپ ، ٹی20 ورلڈ کپ ، چیمپئنز ٹرافی ، انڈر 19 ورلڈ کپ اور ورلڈ ٹیسٹ چمپئن شپ فائنل۔ اس معاہدے میں 2024 سے 2027 تک آسٹریلیا میں 448 لائیو گیمز کے اسٹریمنگ کے حقوق شامل ہیں۔یہ معاہدہ آئی سی سی مینز کرکٹ ورلڈ کپ 2023 کی کامیابی کے بعد ہوا ، جس میں کئی ریکارڈ ٹوٹ گئے اور آسٹریلیا نے ٹائٹل جیتا۔ اب تک کے سب سے بڑے کرکٹ ورلڈ کپ نے اسٹیڈیم میں حاضری اور نشریاتی ناظرین کے لیے نئے ریکارڈ قائم کیے ، ساتھ ہی یہ اب تک کا سب سے بڑا ڈیجیٹل طور پر منسلک ایونٹ بن گیا۔نئی شراکت داری جو جنوری 2024 میں شروع ہوگی ، آسٹریلیا بھر کے کرکٹ شائقین کو پرائم ممبرشپ کی ضرورت کے بغیر، تمام کرکٹ فارمیٹس میں ایک مخصوص آئی سی سی مقابلے کے ہر ٹورنامنٹ کے تمام میچوں تک خصوصی رسائی فراہم کرے گی۔آئی سی سی کے چیف ایگزیکٹیو ، جیوف ایلارڈائس نے کہا ، ہم آسٹریلیا میں آئی سی سی کرکٹ کے حقوق کے لیے پرائم ویڈیو کے ساتھ ایک نئی چار سالہ شراکت داری میں داخل ہونے پر بہت پرجوش ہیں۔ حال ہی میں ختم ہونے والے مینز کرکٹ ورلڈ کپ نے دنیا بھر میں اور خاص طور پر آسٹریلیا میں آئی سی سی ایونٹس کے تئیں دلچسپی اور جذبے کو اجاگر کیا ہے ، جہاں کرکٹ کے شائقین نے اپنی مردوں اور خواتین کی ٹیموں کی حالیہ کامیابیوں سے لطف اندوز ہوئے ہیں۔ ہم آسٹریلیا میں مزید شائقین کو عالمی معیار کی کرکٹ کی جدید کوریج فراہم کرنے کے لیے پرائم ویڈیو آسٹریلیا کے ساتھ کام کرنے کے منتظر ہیں۔
آسٹریلیا اور نیوزی لینڈ کے چیف ہوشیدر کھراس نے کہا کہ ’ پرائم ویڈیونے ناظرین کے لیے نئی فلمیں ، لائیو اسپورٹس اور ان کے پسندیدہ ٹی وی شوز تلاش کرنے کےلئے واحد جگہ ہے۔ہم ہمیشہ اپنے صارفین کو زیادہ قدر فراہم کرنے کے طریقے تلاش کرتے رہتے ہیں اور لائیو اسپورٹس مستقل طور پر ان کی اعلیٰ درخواستوں میں سے ایک ہے۔ ہم اپنے صارفین کو ان کی پرائم ممبرشپ میں شامل کرکٹ ورلڈ کپ کی براہ راست نشریات پیش کرنے کے قابل ہونے پر بہت خوش ہیں!
انہوں نے کہا کہ کرکٹ ورلڈ کپ دنیا میں سب سے زیادہ دیکھے جانے والے کھیلوں کے مقابلوں میں سے ایک ہے۔ حال ہی میں ختم ہونے والے ورلڈ کپ 2023 کے ایڈیشن کو کروڑوں لوگوں نے دیکھا۔ اگلے چار سالوں تک ، آسٹریلیا میں پرائم ممبران اپنی پسندیدہ ڈیوائس پرائم ویڈیو پر کرکٹ ٹیموں اور کھلاڑیوں کوکھیل کے سب سے بڑے ٹائٹل کے لیے مقابلہ کرتے ہوئے دیکھ سکیں گے ۔
ہندوستھان سماچارمحمدخان
