نئی دہلی، یکم دسمبر (ہ س)۔
ڈومینیکا 2024 میں کسی بھی آئی سی سی مینز ٹی-20 ورلڈ کپ میچ کی میزبانی نہیں کرے گا۔ ڈومینیکا کی انتظامیہ نے یہ فیصلہ ملک کی جانب سے ایونٹ کے آغاز سے قبل پریکٹس اور میچ کے میدانوں پر کام ختم نہ کرنے کی وجہ سے کیا ہے۔
کرکٹ ویسٹ انڈیز کی طرف سے جاری کردہ ایک بیان میں کہا گیا ہے، ’’ڈومینیکا کی ثقافت، نوجوان، کھیل اور کمیونٹی ڈویلپمنٹ کی وزارت نے تصدیق کی ہے کہ میچوں کی میزبانی کے لیے ملک کی بے تابی اور اب تک کی ٹھوس کوششوں کے باوجود، انہوں نے اپنے ٹھیکیداروں کے ساتھ مشاورت کے بعد مجوزہ ٹائم لائنز کا جائزہ لیا ہے۔ محتاط غور و فکر کے بعد یہ طے پایا کہ سی ڈبلیو آئی اور ڈومینیکا کی حکومت کے درمیان معاہدہ نامہ میں درج تمام ذمہ داریوں کو پورا کرنے کے لیے کافی وقت نہیں ہوگا۔‘‘
آئی سی سی مینز ٹی- 20 ورلڈ کپ کا 2024 ایڈیشن، جس کی میزبانی ویسٹ انڈیز اور امریکہ کر رہے ہیں، 4 جون سے شروع ہو کر 30 جون کو اختتام پذیر ہو گا۔
ڈومینیکا ان سات کیریبین ممالک میں سے ایک تھی جنہیں ٹی- 20 ورلڈ کپ کی میزبانی کے لیے منتخب کیا گیا تھا، جس کی میزبانی ویسٹ انڈیز اور امریکہ کریں گے۔ یہ فہرست مقامی حکومتوں کی بولیوں کی بنیاد پر آئی سی سی نے سی ڈبلیو آئی کے تعاون سے تیار کی تھی۔ ڈومینیکا کو ابتدائی طور پر ویسٹ انڈیز کے چھ دیگر ممالک اینٹیگوا اور باربوڈا، بارباڈوس، گیانا، سینٹ لوسیا، سینٹ ونسینٹ اور گرینیڈائنز اور ٹرینیڈاڈ اور ٹوباگو کو انتہائی متوقع ٹورنامنٹ کے میزبان مقام کے طور پر منتخب کیا گیا تھا۔
ہندوستھان سماچار/
/عطاءاللہ
