آئی ایس ایل۔ کیرالہ بلاسٹرس کے سامنے مشرقی بنگال کا چیلنج
کولکاتا، 4 نومبر (ہ س)۔ کیرالہ بلاسٹرز ایف سی ہفتہ کی رات کولکاتا واقع سالٹ لیک اسٹیڈیم میں کھیلے جانے والے انڈین سپرلیگ (آئی ایس ایل) 24-2023 مقابلے میں میزبان ایسٹ بنگال ایف سی کے چیلنج کا سامنا کرے گی۔ بلاسٹرز نے اپنے ابتدائی پانچ میچوں میں سے تین جیتے ہیں، لیکن وہ اس سیزن میں صرف دوسری بار گھر سے باہر کھیلیں گے۔
ریڈ اور گولڈ بریگیڈ ایک گول کی برتری چھوڑنے کے بعد اب تک دو میچوں میں 2-1 کے فرق سے ہار چکی ہے، پہلے بنگلور ایف سی کے خلاف اور پھر 21 اکتوبر کو ایف سی گوا کے خلاف ہاری تھی۔
بلاسٹرس آئی ایس ایل میں ایسٹ بنگال کے خلاف اپنا پچھلا میچ ہار گئے تھے۔ (3 فروری 2023 کو 1-0)، ایسٹ بنگال کے خلاف ان کے پانچ میچوں کی ناقابل شکست سیریز کا خاتمہ ہوا۔ یہ پہلا موقع تھا جب کیرالہ آئی ایس ایل کے کسی میچ میں ریڈ اینڈ گولڈ بریگیڈ کے خلاف گول کرنے میں ناکام رہا تھا اور وہ آئندہ میچ میں اس غلطی سے بچنے کی کوشش کرے گا۔
ایسٹ بنگال ایف سی کے ہیڈ کوچ کارلس کواڈراٹ نے میچ سے پہلے کہا، ’’ہمیں دفاعی طور پر مضبوط ہونے کے لیے تبدیلیاں کرنا ہوں گی۔ آئی ایس ایل میں گزشتہ سیزن میں میری ٹیموں نے کافی کلین شیٹ رکھی تھی لیکن ہم اس سیزن میں اب تک ایسا کرنے میں ناکام رہے ہیں۔ ہم اس پر کام کر رہے ہیں۔ اگر آپ ہمارے زیادہ تر میچوں کو دیکھیں تو مخالف ٹیمیں مواقع پیدا کر رہی ہیں اور ان میں سے زیادہ تر مواقع سیٹ پیسز سے آ رہے ہیں، اس لیے ہمیں اس کو روکنے کے لیے کام کرنا ہوگا۔ہمیں اپنے مخالفین کو بہت زیادہ مواقع پیدا کرنے سے روکنا ہوگا۔‘‘
کیرالہ بلاسٹرز ایف سی کے ہیڈ کوچ ایوان ووکومانووک نے میچ سے پہلے کی پریس کانفرنس میں کہا، ہمارے لیے ہر میچ بہت سخت اور مشکل ہوتا ہے، چاہے ہم گھر پر کھیل رہے ہوں یا باہر، ایسٹ بنگال کے پاس بہت اچھی ٹیم اور بہت اچھا کوچ ہے۔
ان کا سیزن اچھا جا رہا ہے اور انہوں نے ڈیورنڈ کپ میں بھی اچھی کارکردگی کا مظاہرہ کیا۔ میرے خیال میں اگرچہ سیزن میں پانچ میچ کھیلے جا چکے ہیں، بہت سے کلب، تقریباً تمام کلب اب بھی اپنی تال تلاش کرنے کی کوشش کر رہے ہیں۔ مجھے لگتا ہے کہ تمام ٹیمیں جنوری سے نارمل اور اچھا فٹ بال کھیلنا شروع کر دیں گی۔‘‘
آپ کو بتاتے چلیں کہ دونوں ٹیموں کے درمیان اب تک 6 میچ کھیلے جا چکے ہیں، جس میں ایسٹ بنگال نے 1 اور کیرالہ بلاسٹرز نے 2 جیتے ہیں، جب کہ 3 میچ ڈرا ہوئے ہیں۔
ہندوستھان سماچار
/شہزاد
