حیدرآباد، 24 اکتوبر (ہ س)۔ انڈین سپر لیگ (آئی ایس ایل) 24-2023 کے پوائنٹس ٹیبل میں موجود دو فسڈی ٹیموں کے مقابلے میں چنئیین ایف سی نے میچ جیت لیا۔ چنئیین ایف سی نے پیر کی رات گاچی بوولی اسٹیڈیم میں کھیلے گئے سیزن 10 کے میچ میں میزبان حیدرآباد ایف سی کو 0-1 سے شکست دے کر فتح کا مزہ چکھا۔ چنئیین ایف سی کی جیت کا واحد گول اسکاٹش فارورڈ کونر شیلڈز نے ساتویں منٹ میں کیا۔ کونر شیلڈز کو گولز اور فائٹنگ اسپرٹ پر میچ کا بہترین کھلاڑی قرار دیا گیا۔
یہ سیزن 10 کی مرینا مچانز کی پہلی جیت تھی۔ ہیڈ کوچ اووین کوئل کی مرینا مچانز نے شکستوں کی ہیٹ ٹرک کرنے کے بعد یہ جیت حاصل کی اور وہ چار میچوں میں ایک جیت اور تین ہار کے ساتھ تین پوائنٹس کے ساتھ ٹیبل میں آخری سے دسویں نمبر پر آگئے ہیں۔
وہیں حیدرآباد ایف سی کے ہیڈ کوچ تھانگبوئی سنگتو اپنی ٹیم کی شکست کی ناپسندیدہ ہیٹ ٹرک کرنے کے بعد مایوس ہوں گے۔ حیدرآباد تین میچوں میں مسلسل تیسری شکست کی وجہ سے کھاتہ کھولے بغیر پوائنٹس ٹیبل میں سب سے بری ٹیم بن گئی ہے کیونکہ وہ گیارہویں سے بارہویں پوزیشن پر کھسک گئی ہے۔
میچ کا واحد گول ساتویں منٹ میں ہوا، جب اسکاٹش فارورڈ کونر شیلڈز نے گول کر کے چنئیین ایف سی کو ابتدائی برتری دلاتے ہوئے اسکور 0-1 کر دیا۔ مڈفیلڈر انکت مکھرجی نے باکس کے اندر دائیں جانب سے تیز کراس ڈالا، جس پر کونر چھ گز کے خطرناک علاقے میں پہنچ کر لیفٹ فٹیڈ ٹچ سے گیند کو لیفٹ باٹم کورنر کے اندر پہنچا دیا۔جبکہ حیدرآباد کے گول کیپر گرمیت سنگھ کے پاس اس نزدیکی شاٹ سے بچاو کا کوئی موقع نہیں تھا۔
پہلا ہاف کونر شیلڈز کے گول کی بدولت چنئیین ایف سی کے نام رہا۔ تاہم، حیدرآباد ایف سی نے 73 فیصد گیند پر قابو پالیا اور ہاف ٹائم سے قبل دبدبلے والا کھیل کا مظاہرہ کیا۔ اس کی طرف سے پانچ شاٹ لگائے گئے۔ جن میں سے دو ٹارگیٹ پر تھے۔ وہیں، مرینا مچانز کو گیند پر قبضہ حاصل کرنے کے لیے چودہ فاؤل کرنے پر مجبور ہونا پڑا، جن میں سے لیفٹ بیک آکاش ساگوان اور ونگر رحیم علی کو یلو کارڈز دکھائے گئے۔ چنئیین کی جانب سے واحد شاٹ نشانے پر تھا جس پر کونر شیلڈز کا گول آیا۔
آئی ایس ایل میں دونوں ٹیموں کے درمیان کھیلا جانے والا یہ نواں میچ تھا اور آج چنئیین ایف سی نے اپنی چوتھی جیت حاصل کی جبکہ حیدرآباد ایف سی نے تین میچوں میں کامیابی حاصل کی ہے۔ دونوں کے درمیان دو میچ ڈرا ہوئے ہیں۔
ہندوستھان سماچار//سلام
