پورنیہ میں مچھلی گاڑی سے غیر قانونی وصولی کے معاملے میں 9 پولیس اہلکار معطل
پورنیہ، 2 دسمبر (ہ س)۔ بہار کے پورنیہ میں 9 پولیس اہلکار معطل کر دئے گئے ہیں۔ دراصل کانسٹیبل سپرنٹنڈنٹ عامر جاوید کو خفیہ اطلاع ملی تھی کہ گشتی پولیس کی جانب سے غیر قانونی وصولی کی جارہی ہے۔ اس کے بعد ایس پی نے ٹریفک ڈی ایس پی کی قیادت میں ایک ٹیم تشکیل دی۔ تفتیشی ٹیم نے کارروائی کرتے ہوئے 9 پولیس اہلکاروں کو مچھلی گاڑی سے غیر قانونی وصولی کرتے ہوئے پکڑ لیا۔ اب اس معاملے میں تمام 9 پولیس اہلکاروں کو فوری اثر سے معطل کر دیا گیا ہے۔
چھاپہ ماری کے دوران ٹریفک ڈی ایس پی نے پایا کہ گشتی پولیس این ایچ 31پر مچھلی گاڑی کو روک کر وصولی کر رہی ہے۔ ایسے میں یہ کام پولیس کی گشتی گاڑی مسلسل کر رہی تھی جس کی اطلاع کانسٹیبل سپرنٹنڈنٹ عامر جاوید کو دی گئی۔ ایس پی نے کارروائی کرتے ہوئے تمام 9 پولیس اہلکاروں کو فوری اثر سے معطل کر دیا ہے۔ جس میں بائسی تھانہ کے پولیس اہلکار، ڈگروا تھانہ کے پولیس اہلکار، صدر تھانہ کے پولیس اہلکاراور جلال گڑھ تھانہ کے پولیس اہلکار شامل ہیں۔
بتایا جاتا ہے کہ ضلع میں کافی دنوں سے گاڑیوں سے غیر قانونی وصولی کا کھیل جاری تھا۔ جس کے بارے میں مسلسل شکایات موصول ہو رہی تھیں۔ اس کے پیش نظر ایس پی نے ٹریفک ڈی ایس پی کی قیادت میں ٹیم تشکیل دی تھی۔ جس نے 9 پولیس اہلکاروں کو رنگے ہاتھوں پکڑ لیا ۔ اب سب کو معطل کر دیا گیا ہے۔ لوگوں کا کہنا ہے کہ پولیس کی شبیہ کو خراب کیا جا رہا ہے ، ایسے میں ایس پی کا اقدام قابل ستائش ہے۔
ہندوستھان سماچار/ افضل
/شہزاد
