جموں ،15 اکتوبر (ہ س)،جموں و کشمیر کے پہاڑی ضلع کشتواڑ کے دور افتادہ گاؤں میں ضلع انتظامیہ نے ایک اہم پیش رفت میں پہلی بار بجلی کی فراہمی کو یقینی بنایا ہے ۔ضلع انتظامیہ کشتواڑ نے ڈپٹی کمشنر ڈاکٹر دیونش یادو کی رہنمائی میں کرگل سرحد کے قریب اور اس سے ملحقہ پاڈر سب ڈویژن کے دور افتادہ سمچھگ گاؤں میں بجلی کی سہولیت پہنچا دی ہے۔ انتظامیہ نے سطح سمندر سے 3250 میٹر کی بلندی پر واقع لوسینی گاؤں کے سمچھگ کے رہائشیوں کو 14 شمسی توانائی پیکوں کی فراہمی اور تنصیب کے ساتھ کامیابی حاصل کی ہے ۔ یہ سولر پاور پیک ڈپٹی کمشنر کشتواڑ کی ایک فنڈز کے تحت فراہم کیے گئے ہیں۔شمسی توانائی سے چلنے والی بجلی کے اس نظام کو صد فیصدی سمچھگ کے تمام گھرانوں میں حکمت عملی کے ساتھ تقسیم کیا گیا ہے۔اس اقدام کا مقصد سردیوں کے مشکل ایام میں روشنی کو بہتر بنانا اور بجلی کی دستیابی کو یقینی بنانا ہے۔ پروجیکٹ کی تکمیل کے بعد علاقے میں گرڈ کنیکٹیویٹی ہوگی، جو اس طبقے کی مجموعی ترقی اور بہبود کو نمایاں فروغ دے گی۔سمچھگ گاؤں تک بجلی کی فراہمی کو یقینی بنانے کے لئے شمسی توانائی سے پیدا ہونے والی بجلی کا انتظام کیا گیا ہے ۔چونکہ یہ علاقہ برفباری ہونے کی وجہ سے تقریباً چھ ماہ تک صدر مقام سے رابطہ منقطع ہو جاتا ہے ۔مقامی لوگوں نے بجلی کی فراہمی پر انتظامیہ کا شکریہ ادا کیا ۔
اصغر/ہندوستھان سماچار/سلام
