مشرقی چمپارن، 05 نومبر( ہ س)۔ ضلع پولیس کی ٹیم نے رام گڑھوا تھانہ علاقہ واقع شیو شکتی رائس مل کے گیٹ پر منشی دلیپ سنگھ کو گولی مار کر 27 لاکھ روپے لوٹنے کے معاملےکا انکشاف کردیا ۔بتایا گیا ہے کہ لو ٹ کی سازش مل کے منشی دلیپ سنگھ نےرچی تھی۔اس بارے میں معلومات دیتے ہوئے ایس پی کانتیش کمار مشرا نے بتایا کہ رام گڑھوا تھانہ علاقہ میں رائس مل کےمنشی سے لوٹ اور قتل کے بعد اس کے کامیاب انکشاف کے لئے اے ایس پی صدرراج کے قیادت میں ایک ٹیم تشکیل دی گئی۔ ٹیم نے لوٹ اورقتل معاملے کا انکشاف کر لیا ہے۔
اس معاملے میں پلنوا کے بھولن مہتو، چھوڑاڈانو کے گجیندر کشواہا اور رام گڑھوا کے کشوری کشواہا کو گرفتار کیا گیا ہے۔ ان کے پاس سے دو پستول، چار کارتوس اور ایک چاقو برآمد ہوا ہے۔انہوں نے بتایا کہ لوٹ کی واردات میں مل کے منشی دلیپ سنگھ بھی ملوث تھا۔ اس نےہی لو ٹ کی سازش رچی تھی ۔ لوٹ رقم میں سب سے زیادہ حصہ لینے والا تھا۔ لیکن لو ٹ کی سازش میں ملوث اس کے دیگرساتھیوں نے اسے دھوکہ دیا وہ دلیپ سنگھ کو لوٹی ہوئی رقم میں حصہ نہیں دینا چاہتے تھے۔ اس کی وجہ سے ان لوگوں نے اس کا قتل کردیا۔
ایس پی شری مشرا نے بتایا کہ اس واقعہ میں کچھ دیگر لوگ بھی ملوث ہیں جن کی تحقیقات جاری ہے۔ قابل ذکر ہے کہ 15 اکتوبر کی رات رام گڑھوا تھانہ علاقہ میں واقع شیو شکتی رائس مل کے اکاؤنٹنٹ دلیپ سنگھ اورآمدوئی سگوا ٹولہ رہائشی ڈرائیور سریش کشواہا ٹاٹا سفاری گاڑی سے رائس کے بقایا رقم کی وصولی کرکے مل لو ٹ رہے تھے۔ اسی دوران بغیر نمبر کےبولیرو پرسوارپانچ۔ چھ کی تعداد میں قبل سے گھات لگائے بدمعاشوں نے ان کی گاڑی کو گھیر کر اندھا دھنگ فائرنگ کرتے ہوئے سفا ری میں پچھلی سیٹ پر رکھے ر وپے سے بھرا بیگ لے کرفرارہوگئے۔
حالانکہ فائرنگ کے دوران منشی دلیپ سنگھ کے سینے میں گولی لگنے سے موت ہوگئی۔ جبکہ ڈرائیور سریش کا علاج چل رہا ہے۔اس واقعہ کے بعد سیتامڑھی رہائشی متوفی دلیپ سنگھ کی اہلیہ پونم دیوی نے رائس مل مالک وریندر کمار اور اس کے ساتھی منا مارواڑی سمیت کئی لوگوں پرالزام لگایا تھا۔
ہندوستھان سماچار/ افضل/سلام
