جموں ،30 نومبر (ہ س)،غیر قانونی بجلی کنکشن اور ناقص ادائیگیوں کے خلاف سخت کاروائی کرتے ہوئے جموں پاور ڈسٹری بیوشن کارپوریشن لمیٹڈ (جے پی ڈی سی ایل) نے صرف دو دنوں میں 9 کروڑ روپے کی آمدنی حاصل کرتے ہوئے 1702 نادہندگان کا بجلی کنکشن کاٹ دیا ہے ۔کارپوریشن نے ایک بیان جاری کرتے ہوئے کہا کہ سب سے پہلے 1702 صارفین کے کنکشن منقطع کیے گئے جن میں صنعتیں، ہوٹلز اور بااثر افراد) شامل ہیں تاکہ عوام کو بجلی کے بلوں کے حساب سے اپنی ذمہ داریاں ادا کرنے اور بروقت بجلی کے بل ادا کرنے کی عادت پیدا کرنے کے لیے آگاہ کیا جا سکے۔ جے پی ڈی سی ایل کے ترجمان نے مزید کہا کہ مارچ-2023 سے اکتوبر-2023 تک کل 49,028 معائنہ کیا گیا ہے جس میں 23131 صارفین کی بجلی منقطع کی گئی ہے اور منقطع ہونے کے بعد 68.19 کروڑ روپے وصول کیے گئے ہیں۔ جے پی ڈی سی ایل نے تمام صارفین پر زور دیا ہے کہ وہ فوری طور پر زیر التواء واجبات کی ادائیگی کریں تاکہ کنکشن منقطع ہونے سے بچا جا سکے۔اس مہم کا مقصد بجلی کی چوری پر قابو پانے اور مالی بے ضابطگیوں کو دور کرنا ہے ۔ جس میں بجلی چوری کی روک تھام کے لیے دن اور رات کی گشت کی جائے گی ۔ اس اقدام کا مقصد بڑے پیمانے پر ہکنگ، متفقہ لوڈ کی خلاف ورزی، اور میٹروں کو نظرانداز کرنے والے صارفین پر شکنجہ کسنا ہے۔ جے پی ڈی سی ایل نے صارفین کو ریلیف فراہم کرنے کا وعدہ کیا ہے ۔ پاور ڈسٹری بیوشن کمپنی نے بجلی چوری جیسے طریقوں کے خلاف کریک ڈاؤن کرنے کی ضرورت پر مزید زور دیا، جو نہ صرف بجلی کی بندش کا باعث بنتے ہیں بلکہ اس کے نتیجے میں ٹرانسفارمرز کو نقصان بھی پہنچتا ہے، جس سے بجلی کا جائز استعمال کرنے والے صارفین کو تکلیف ہوتی ہے۔کارپوریشن کے عملے کی طرف سے صرف جموں ڈویژن کے مختلف حلقوں کا احاطہ کیا گیا،جموں کے دس اضلاع میں 432 کلو واٹ لوڈ کا اضافہ کیا گیا۔ دریں اثنا، جے پی ڈی سی ایل نے اپنے ایک بیان میں کہا کہ سردیوں کے دوران قابل اعتماد بجلی کی فراہمی کے باوجود بھاری بقایا جات کا نوٹس لیتے ہوئے، جے پی ڈی سی ایل کے مختلف سب ڈویژنوں نے بااثر اور بجلی بل نادہندگان کے خلاف بڑے پیمانے پر بجلی کنکشن منقطع کرنے کی مہم شروع کی۔ مہم کے دوران بھاری بقایا جات رکھنے والے گھریلو، صنعتی اور کمرشل صارفین کو نشانہ بنایا گیا۔جے پی ڈی سی ایل نے صارفین پر زور دیا کہ وہ بجلی منقطع ہونے سے بچنے کے لیے اپنے زیر التواء بلوں کو فوری ادائیگی کریں ۔اصغر/ہندوستھان سماچار
/سلام
