بہارمیں آج موسم رہے گا خشک، گزشتہ 24 گھنٹوں میں کئی اضلاع میں درجہ حرارت میں اضافہ
پٹنہ، 25 اکتوبر (ہ س)۔ بہارمیں اس بار جلد ہی موسم سرما شروع ہونے والا ہے۔ موسمیاتی مرکز پٹنہ کے مطابق آج پٹنہ سمیت کئی علاقوں میں صبح کے وقت مطلع ابر آلود رہے گا۔ مغربی ہوا کی وجہ سے صبح اور رات میں ہلکی سردی محسوس ہوگی حالانکہ دن کے وقت موسم صاف رہے گا۔ گزشتہ 24 گھنٹوں میں سب سے کم درجہ حرارت کشن گنج میں 17.5 ڈگری سیلسیس اور سب سے زیادہ 22.3 ڈگری سیلسیس جموئی میں درج کیا گیا۔
پٹنہ موسمیات کے مطابق پٹنہ، گیا، جہان آباد، بانکا، پورنیہ اور مظفر پور سمیت دیگر اضلاع میں موسم خشک رہے گا۔ آئندہ 5 روز تک تمام اضلاع میں زیادہ سے زیادہ درجہ حرارت 30 سے 32 ڈگری سیلسیس اور کم سے کم درجہ حرارت 18 سے 20 ڈگری سیلسیس کے درمیان رہ سکتا ہے۔ ماہرین موسمیات کے مطابق آئندہ چار سے پانچ روز تک موسم میں کسی خاص تبدیلی کا کوئی امکان نہیں ہے۔
نومبر کا مہینہ شروع ہوتے ہی ریاست میں درجہ حرارت گرنے کا امکان ہے جس کی وجہ سے دوپہر کے وقت بھی سردی کا اثر نظر آئے گا۔ ریاست کے دیہی علاقوں میں لوگوں کو زیادہ سردی محسوس ہورہی ہے۔ ابھی سے ہی کئی اضلاع میں صبح کے وقت کہرا اوردھند چھائی ہوئی ہے۔ اس کے پیچھے ال نینو طوفان کا اثر دیکھا جا رہا ہے۔ محکمہ موسمیات کے مطابق اس بار سردی جلد آئے گی جس کا اثر نومبرسے فروری 2024 تک عوام پر رہے گا۔ اس کے بعد یہ آہستہ آہستہ ختم ہو جائے گا۔
ہندوستھان سماچار/ افضل
/شہزاد
