بکسر، 19 نومبر(ہ س)۔
بہار کے بکسر میں چھٹھ گھاٹ پر مارپیٹ کا واقعہ سامنے آیا ہے ۔ کل رات ضلع کے چوسا بلاک کے تحت مہادیو گنگا گھاٹ پر بالادستی کو لے کر پوجا کمیٹی کے دو ارکان کے درمیان زبردست مارپیٹ ہوئی جس میں نصف درجن لوگ زخمی ہوگئے۔ دو افراد کے سرپھٹ گئے ہیں جنہیں علاج کے لیے اسپتال میں داخل کرایا گیا ہے۔ ایک طرف سے لوگوں نے بھاسکر کی مورتی کو بھی توڑ دیا جس کے بعد عقیدت مندوں میں نار اضگی ہے۔ تاحال کسی فریق کی جانب سے تحریری شکایت نہیں کی گئی۔
موصولہ اطلاع کے مطابق مفصل تھانہ علاقہ کے کتگھڑوا رہا ئشی پوجا کمیٹی کے ارکان مہادیو گھاٹ کو اپنا چھٹھ گھاٹ بتا تے ہوئے اپنے گاؤں کے لوگوں کے لیے انتظامات کرنا چاہتے تھے، جب کہ مہادیو گھاٹ ڈیرہ کے لوگ اپنی دعویداری کرتے ہوئے پوجا کرنا چاہ رہے تھے۔ اس دوران دونوں گا وں کے نوجوانوں نے ایک دوسرے پر حملہ کردیا جس میں نصف درجن افراد زخمی ہوگئے۔ ایک فریق کے لوگوں نے بھاسکر کی مورتی توڑ دی ہے۔
اس معاملے کی معلومات دیتے ہوئے مفصل تھانہ انچارج راہل کمار نے بتایا کہ فی الحال معاملہ پرسکون ہے۔ زخمیوں کا اسپتال میں علاج کیا جا رہا ہے۔ مارپیٹ میں کٹگھروا کے رہنے والے راکیش کمار ( 30 سال) اور پریم پرکاش ودیارتھی ( 28 سال) کے سر پر شدید چوٹیں آئیں۔ کئی ٹاکے لگائے گئے ہیں۔ حالانکہ ابھی تک کسی بھی فریق کی جانب سے کوئی درخواست جمع نہیں کی گئی۔ پولیس گھاٹ پر امن بحال کرنے کے لیے کیمپ کررہی ہے۔
ہندوستھان سماچار/ افضل
/عطاءاللہ
