دہلی کے سرکاری اسکول پرائیویٹ اسکولوں سے بہتر تعلیم دے رہے ہیں: عمران حسین

نئی دہلی،19 جنوری(ہ س)۔

دہلی کے وزیر اعلی اروند کیجریوال کی قیادت میں، سابق نائب وزیر اعلی اور وزیر تعلیم منیش سسودیا نے بچوں کو معیاری تعلیم فراہم کرنے کے لیے پوری لگن کے ساتھ کام کیا ہے۔ دہلی کے سرکاری اسکول پرائیویٹ اسکولوں سے بہتر تعلیم فراہم کررہے ہیں۔ ایک تعلیم یافتہ ایک فرد ایک بہتر معاشرہ اور ترقی یافتہ قوم بناتا ہے۔ دہلی کے فوڈ سپلائی وزیر عمران حسین نے جمعہ کو اسمبلی حلقہ کے رام نگر کے گورنمنٹ گرلز سینئر سیکنڈری اسکول میں منعقدہ سالانہ تقریب میں یہ باتیں کہیں۔ انہوں نے کہا کہ دہلی حکومت کے اسکول خصوصی ضروریات کے حامل بچے مختلف مقابلوں اور تقریبات میں حصہ لے رہے ہیں۔ یہ طلباءنہ صرف خصوصی ضروریات والے دوسرے بچوں کے لیے بلکہ تمام بچوں کے لیے تحریک کا ذریعہ ہیں۔عمران حسین نے کہا کہ ہمارے سرکاری اسکولوں میں پڑھنے والے بچوں میں ٹیلنٹ کی کوئی کمی نہیں ہے۔ تعلیم کے تئیں اسکول کے اساتذہ اور طلبہ کے عزم کی وجہ سے ایک دن یہ بچے اس ٹیلنٹ کے بل بوتے پر ہندوستان کو دنیا کا نمبر 1 ملک بنائیں گے۔ دہلی کی اروند کیجریوال حکومت نے سرکاری اسکولوں میں خصوصی انتظامات کیے ہیں۔ضرورت مند بچوں کی نشوونما کے لیے اسپیشل ایجوکیٹرز کا تقرر کیا گیا ہے۔ انہوں نے کہا کہ بلیماران خطہ اب معیاری تعلیم کے میدان میں مسلسل آگے بڑھ رہا ہے۔ عنقریب اسکول کی نئی عمارتیں بھی تیار ہو جائیں گی اور ان میں کلاسز ماڈل کلاس رومز کی طرز پر چلیں گی۔ وزیر عمران حسین اسکول آئی اے ایس کے سالانہ جشن کے موقع پر اسکول انتظامیہ اور طلبہ کو مبارکباد دیتے ہوئے انہوں نے کہا کہ معیاری تعلیم کسی بھی علاقے کی ترقی کی کنجی ہے۔اسکول میں سالانہ تقریب کا آغاز چراغ روشن کرکے ہوا۔ اسکول کی طالبات نے ہماچل کا روایتی رقص پیش کیا اور طالبات کی طرف سے لاوانی رقص نے حاضرین کو محظوظ کیا۔ اس دوران وزیر عمران حسین نے اسکول میں طالبات کے ہاتھ سے تیار کردہ اشیاءکی نمائش کی۔آرٹ ورک اور سجاوٹ کو سراہا۔ سالانہ میلے کی خاص بات قومی یکجہتی کے موضوع پر خصوصی ضروریات رکھنے والی طالبات کے ایک گروپ کی طرف سے پیش کیا گیا ڈرامہ تھا۔ تحریک آزادی کے دوران تنوع میں اتحاد کے موضوع پر ڈرامہ پیش کیا گیا۔ اسکول پرنسپل نے بتایا کہ خصوصی ضروریات کے حامل لڑکیوں کا یہ گروپ قومی سطح پر بھی پرفارم کر چکے ہیں۔اسکول میں سالانہ تقریب کے دوران انعامات بھی تقسیم کئے گئے۔ اکیڈمک ٹاپرز کو میڈلز اور تعریفی اسناد سے نوازا گیا۔ وزیر نے دہلی میں تعلیمی ماڈل کو بہتر بنانے میں فعال حصہ لینے کے لیے اسکول کے اساتذہ کو بھی اعزاز سے نوازا۔ اس کے ساتھ وزیر عمران حسین خصوصی ضروریات کے حامل طلباءجنہوں نے کھیلوں میں حصہ لیا اور اچھی کارکردگی کا مظاہرہ کیا ان کو بھی اعزاز سے نوازا گیا۔ اس موقع پر ڈی ڈی (زون)، ڈی ڈی سینٹرل (تعلیم)، اسکول کے پرنسپل اور عملہ، اسکول مینجمنٹ کمیٹی کے اراکین نے بھی شرکت کی۔

ہندوستھان سماچار/محمد