گاندربل، 17 نومبر (ہ س)۔
سینئر سپرنٹنڈنٹ آف پولیس ٹریفک دیہی کشمیر، رویندر پال سنگھ نے گاندربل کا دورہ کیا تاکہ وہاں ٹریفک کے انتظام کا جائزہ لیا جاسکے۔دورے کے دوران انہوں نے ضلع میں ٹریفک کی صورتحال کا تفصیلی جائزہ لیا اور اپنے ماتحت افسران کو ہدایت کی کہ وہ قصبے میں ٹریفک کو ہموار طریقے سے چلانے کو یقینی بنائیں۔ گاڑیوں کی چیکنگ کے دوران ٹریفک قوانین کی خلاف ورزی کرنے والی 130گاڑیاں بالخصوص ایچ ایس آر پی، سیٹ بیلٹ، ہیلمٹ، دستاویزات اور اوورلوڈ مسافر گاڑیوں پر جرمانہ کیا گیا۔
تفصیلات کے مطابق، ڈرائیوروں کو مشورہ دیا گیا کہ وہ ٹریفک قوانین اور ضوابط کی پابندی کریں۔ دو پہیہ گاڑی چلانے والوں کو مشورہ دیا گیا کہ وہ کریش ہیلمٹ پہنیں اور ٹرپل سواری سے گریز کریں، اس کے علاوہ لاپرواہی، خطرناک اور زگ زیگ ڈرائیونگ میں ملوث نہ ہوں۔ صحافیوں سے بات کرتے ہوئے سنگھ نے کہا کہ انہیں ٹریفک کے حالات کے بارے میں بہت سی شکایات موصول ہو رہی ہیں۔ انہوں نے کہا کہ ہم متعلقہ حکام اور ایم سی گاندربل سے فٹ پاتھوں پر تجاوزات کرنے والوں کے خلاف کارروائی کی درخواست کرتے ہیں ۔ انہوں نے تجویز پیش کی کہ گاڑیوں کے لیے پارکنگ کی مقررہ جگہیں استعمال کریں۔
ہندوستھان سماچار
/محمد
