پٹنہ، 12 دسمبر(ہ س)۔بہار کے حاجی پور میں مرکزی وزیر مملکت برائے داخلہ نتیانند رائے اورحاجی پور کے بی جے پی ایم ایل اے اودھیش سنگھ کی گاڑی چلانے والے ڈرائیور کی پٹائی کا معاملہ سامنے آیا ہے۔ زخمی ڈرائیور حاجی پور صدر اسپتال میں زیر علاج ہے۔ ڈرائیور چندن کمارساہ دللہ پورکا رہنے والا ہے۔ جو گزشتہ 10 سالوں سے مرکزی وزیر نتیا نند رائے اور ایم ایل اے اودھیش سنگھ کی گاڑیاں چلا رہا ہے ۔
وزیر کے ڈرائیور کے مطابق یہ واقعہ اس وقت پیش آیا جب چندن کمار اپنے گھر سے حاجی پور کی طرف آرہے تھے ، راستے میں جڑھوا کے قریب سڑک جام تھا۔ وہیں ایک داروغہ اپنی گاڑی میں تھے۔ چندن کما ر کا بلیٹ داروغہ کی گاڑی میں سٹ گیا تھا۔ جس سے تنازعہ ہوا۔ معاملہ اتنا بڑھ گیا کہ انسپکٹر نے نصف درجن مقامی لوگوں کو بلایا اور پھرلا ٹھی ڈنڈے سے چندن کی پٹائی شروع ہوگئی۔
چندن کا کہنا ہے کہ تقریباً آدھا کلو میٹر تک سڑک پر مارتے ہوئے اسے کسی گھر کے اندر گراؤنڈ ایر یا میں لے گئے ۔ جہاں اس کی پٹائی کی گئی ۔ وہیں واقعہ کی اطلاع ملنے کے بعد ٹاؤن تھانہ پولیس موقع پر پہنچی اور زخمی کو صدر اسپتال لے گئے ۔ جہا ں اس کا علاج چل رہا ہے۔ اس معاملے میں ٹاؤن تھانہ انچاج اسمیت کمار کا کہنا ہے کہ اطلاع ملنے کے بعد پولیس موقع پر گئی اور ایک زخمی شخص کو صدر اسپتال پہنچایا۔ پولس معاملے کی تحقیقات کر رہی ہے۔
ہندوستھان سماچار/ افضل/سلام
