جموں ،یکم جنوری (ہ س)، جموں و کشمیر پولیس نے سرحد پار سرنگوں، ڈرون، منشیات، دہشت گردی کی سرگرمیوں اور دہشت گردوں کے بارے میں معلومات اور انٹیلی جنس فراہم کرنے والے لوگوں کو نقد انعام دینے کا اعلان کیا ہے ۔جموں و کشمیر پولیس نے ایک بیان جاری کرتے ہوئے کہا کہ پولیس نے ملک دشمن عناصر کے زیر استعمال سرحد پار سرنگ کے بارے میں معلومات فراہم کرنے والوں کے لیے 5 لاکھ روپے نقد انعام کا اعلان کیا ہے۔پولیس نے کہا کہ لوگ ایسی معلومات متعلقہ ضلعی سپرنٹنڈنٹ آف پولیس کے ساتھ شیئر کرسکتے ہیں اور اس شخص کی شناخت کو خفیہ رکھا جائے گا۔پولیس نے سرحد پار سے ڈرون دیکھنے والوں کے لیے 3 لاکھ روپے انعام کا اعلان کیا ہے۔ بین ریاستی منشیات کے ماڈیولز کے بارے میں معلومات فراہم کرنے والوں، جیلوں میں قید پاکستان میں مقیم دہشت گردوں اور علیحدگی پسندوں سے بات کرنے والے مخبروں اور سرحد پار دہشت گردوں کے ہینڈلرز یا جموں و کشمیر میں ان کے ایجنٹوں سے بات کرنے والوں شناخت کے لیے 2 لاکھ روپے کے انعام کا اعلان کیا گیا ہے۔ پولیس نے ان لوگوں کے بارے میں معلومات فراہم کرنے والوں کے لیے ایک لاکھ روپے کے نقد انعام کا بھی اعلان کیا جو لوگوں کو دہشت گرد صفوں میں شامل ہونے اور بندوق اٹھانے کے لیے اکسانے اور ان کی حوصلہ افزائی کرتے ہیں۔ دہشت گردوں کی موجودگی کے بارے میں مخصوص معلومات دینے والوں کے لیے 2 لاکھ روپے سے 12.50 لاکھ روپے تک کے انعام کا اعلان کیا گیا ہے، جس کے نتیجے میں کامیاب آپریشن ہو گا ۔اُن لوگوں کو اے ،بی ،سی کیٹیگری کے مطابق نقد انعام دیا جائے گا۔
اصغر/ہندوستھان سماچار
/سلام
