بہار میں آج بھی موسم خوشگوار، معمول سے نیچے گرادرجہ حرارت، سردی کا احساس
پٹنہ، 18 اکتوبر (ہ س)۔ بہار میں مانسون کی وداعی کے بعد موسم میں تیزی سے بدلاؤ ہو رہا ہے۔ محکمہ موسمیات کے مطابق درجہ حرارت معمول سے 1.1 ڈگری گر گیا ہے۔ گذشتہ 24 گھنٹوں میں فاربس گنج میں سب سے زیادہ درجہ حرارت 34.2 ڈگری سیلسیس درج کیا گیا۔ سب سے کم درجہ حرارت والمیکی نگر میں 19.0 ڈگری سیلسیس تھا۔
محکمہ موسمیات کے مطابق آئندہ تین سے چار روز تک درجہ حرارت میں کوئی خاص تبدیلی نہیں آئے گی۔ پٹنہ اور اس کے آس پاس کے علاقوں میں صبح کے وقت تھوڑی سردی رہ سکتی ہے۔ بعض علاقوں میں ہلکی بارش بھی ہو سکتی ہے۔
محکمہ موسمیات کی پیشن گوئی کے مطابق راجدھانی پٹنہ اور اس کے آس پاس کے علاقوں میں درجہ حرارت 23 ڈگری سیلسیس رہے گا۔ ساتھ ہی ہوا 05 کلومیٹر فی گھنٹہ کی رفتار سے چلے گی۔ دوپہر کے وقت درجہ حرارت 31 ڈگری سیلسیس سے 33 ڈگری سیلسیس کے درمیان رہ سکتا ہے۔ اس دوران ہوا 11 کلومیٹر فی گھنٹہ کی رفتار سے چلے گی اور ہوا میں نمی کا تناسب 51 فیصد کے قریب رہے گا۔
محکمہ موسمیات کے مطابق بدھ کے روز کشن گنج، سپول، ارریہ، مدھے پورہ، کٹیہار، سہرسہ، پورنیہ، مونگیر، جموئی، بھاگلپور، کھگڑیا اور مونگیر میں ایک یا دو مقامات پر ہلکی بارش ہوسکتی ہے۔ پٹنہ اور دیگر کئی اضلاع میں موسم خشک رہے گا۔
اس بار درگا پوجا کے دوران ہلکی مغربی ہوا چلنے کی توقع ہے جس کی وجہ سے موسم خوشگوار رہے گا۔ اس کی وجہ سے دیر رات تک درگا کے دیدار میں لوگوں کو کسی قسم کی پریشانی کا سامنا نہیں کرنا پڑے گا۔ گزشتہ کچھ سالوں میں نوراتری کے دوران بہت گرمی ہوتی تھی۔ اس بار کئی سالوں بعد ایسا خوشگوار موسم دیکھنے کو مل رہا ہے، البتہ بعض مقامات پر ہلکی بوندا باندی ہو سکتی ہے۔
ہندوستھان سماچار/ افضل
/شہزاد
