گیان واپی کامپلکس میں ویاس جی کے تہہ خانے کے معاملے کی سماعت ضلع جج ہی کریں گے
وارانسی، 19 اکتوبر (ہ س)۔ گیانواپی کامپلکس میں واقع ویاس جی کے تہہ خانے کو ضلع مجسٹریٹ کے حوالے کرنے کے معاملے کی سماعت ضلع جج کی عدالت میں ہوگی۔ ضلع جج نے ویاس خاندان کی درخواست کو قبول کرتے ہوئے جمعرات کو کہا کہ مقدمہ سول جج سینئر ڈویژن سے واپس لے کر ڈسٹرکٹ جج کی عدالت میں اس کی سماعت کی جائے گی۔
مدعی شیلیندر کمار پاٹھک ویاس نے سول جج سینئر ڈویژن کی عدالت میں ویاس جی کے تہہ خانے سے متعلق ایک مقدمہ دائر کیا تھا۔ اس کے بعد انہوں نے کیس کو ڈسٹرکٹ جج کی عدالت میں منتقل کرنے کی درخواست کی۔ ویاس کی جانب سے سینئر وکیل وشنو شنکر جین، سبھاش نندن چترویدی اور سدھیر ترپاٹھی نے سول جج سینئر ڈویژن کی عدالت میں یہ عرضی داخل کی تھی۔ گیانواپی کامپلکس سے متعلق دیگر معاملات ضلع جج کی عدالت میں چل رہے ہیں۔ اس کیس کو ڈسٹرکٹ جج کی عدالت میں منتقل کرنے کی اپیل کی گئی تھی۔ اس فیصلے کے بعد اب گیانواپی کے اصل مقدمے سمیت نو مقدمات کی ایک ساتھ ڈسٹرکٹ جج کی عدالت میں سماعت ہوگی۔
ہندوستھان سماچار
/شہزاد
