آئیزول، 4 دسمبر (ہ س)۔ میزورم اسمبلی کی 40 سیٹوں کے لیے ووٹوں کی گنتی کے پہلے رجحان میں حکمراں ایم این ایف 9 پر، زیڈ پی ایم 18 پر، کانگریس 5 پر اور بی جے پی ایک سیٹ پر آگے ہے۔ ریاست کے تمام 13 گنتی مراکز اور 40 کاونٹنگ ہالوں میں صبح 8 بجے سے گنتی جاری ہے۔
پوسٹل بیلٹ کی گنتی مکمل ہونے کے بعد ای وی ایم ووٹوں کی گنتی کی جائے گی۔ 399 ای وی ایم ٹیبل اور 56 پوسٹل بیلٹ ٹیبل لگائے گئے ہیں۔ اس بار 18 خواتین سمیت کل 174 امیدوار میدان میں ہیں۔ حکمران میزو نیشنل فرنٹ(ایم این ایف)، مرکزی اپوزیشن زورم پیپلز موومنٹ (زیڈ اپی ایم) اور کانگریس نے تمام سیٹوں پر امیدوار کھڑے کیے ہیں۔
بی جے پی اور عام آدمی پارٹی نے بالترتیب 23 اور چار سیٹوں پر قسمت آزمائی ہے۔ 27 آزاد امیدوار بھی میدان میں ہیں۔ خیال کیا جاتا ہے کہ مقابلہ ایم این ایف اور زیڈ پی ایم کے درمیان ہے۔ 2018 کے انتخابات میں، ایم این ایف نے 26، زیڈ پی ایم کو 8، کانگریس نے 5 اور بی جے پی نے صرف 5 سیٹیں حاصل کی تھیں۔
قابل ذکر ہے کہ الیکشن کمیشن نے سیاسی جماعتوں، چرچ کے اداروں اور سماجی تنظیموں کی اپیل کے بعد یکم دسمبر کو ایک نوٹیفکیشن کے ذریعے 3 دسمبر سے 4 دسمبر تک ووٹوں کی گنتی ملتوی کر دی تھی، کیونکہ یہ عیسائیوں کے لیے مقدس دن تھا۔ جسے مقامی لوگ بڑے عقیدے کے ساتھ مناتے ہیں۔
ہندوستھان سماچار//سلام
