بیگوسرائے، 22 دسمبر(ہ س)۔بیگوسرائے پولیس انتظامیہ نے 21 دسمبر کو رتن پور اسسٹنٹ تھانہ علاقہ میں دن دہاڑے رتن مندر زیورات کی دکان میں لوٹ معاملے میں سی سی ٹی وی فوٹیج کی بنیاد پر بدمعاشوں کی شناخت کی ہے۔ اس معاملے میں پولیس انتظامیہ نے بدمعاشوں کی تصویر جاری کرتے ہوئے بدمعاشوں کے بارے میں معلومات دینے والے کو 50 ہزار روپے انعام دینے کا اعلان کیا ہے۔
اس معاملے میں ضلع پولیس نے بدمعاشوں کے بارے میں معلومات دینے کے لیے نمبر 9431800011، 9431800017 اور 9065523018 جاری کیے ہیں۔ یہ نمبر بیگوسرائے ایس پی، صدر ڈی ایس پی اور رتن پور اسسٹنٹ تھانہ انچارج کے ہیں۔ ایس پی نے تمام معلومات واٹس ایپ کے ذریعے دینے کی ہدایت کی ہے، جس کی شناخت خفیہ رکھی جائے گی۔
اس معاملے میں بیگوسرائے کے ایس پی نے بڑی کارروائی کرتے ہوئے ٹائیگر موبائل پولیس یونٹ کے تین جوانوں کو ڈیوٹی میں لاپرواہی برتنے پر معطل کر دیا ہے۔ معطل ٹائیگر موبائل میں روی کمار، راجو پاسوان اور امردیپ کمار شامل ہیں۔
واضح ہو کہ 21 دسمبر کو دن دہاڑے رتن پور اسسٹنٹ تھانہ علاقے میں رتنا مندر نامی جیوئیلرس کی دکان میں بدمعاشوں نے لوٹ کی تھی۔ اس حوالے سے دکان کے مالک کا کہنا ہے کہ تقریباً ایک کروڑ روپے کے زیورات لوٹ لیے گئے۔ اس واقعہ میں بدمعاشوں نے منیش کمار نامی ملازم کو بھی گولی مار کر زخمی کر دیا ہے، جو ایک پرائیویٹ نرسنگ ہوم میں زیر علاج ہے۔
واقعہ کے بعد تاجروں میں کافی ناراضگی ہے۔ معاملہ میں یہ بھی بتایا گیا کہ یہ واردات دو موٹر سائیکلوں پر سوار تقریباً چار بدمعاشوں نے انجام دیا، جو صارف بن کر دکان پر آئے تھے۔ بعد میں زیورات دیکھ کر اسلحہ کے زور پر لوٹ کی واردات کو ان جام دیا اور پھر فائرنگ کرتے ہوئے آسانی سے فرار ہوگئے۔
واقعہ کے بعد ایس پی سمیت کئی تھانوں کی پولیس موقع پر پہنچ گئی اور تفتیش کی جس کے بعد سی سی ٹی وی فوٹیج کی بنیاد پربدمعاشوں کی شناخت کر لی گئی ہے اور ان کی اطلاع دینے پر 50 ہزار روپے انعام کا اعلان بھی کیا گیا ہے۔ واقعہ کے کئی گھنٹے گزرنے کے بعد بھی بدمعاش پولیس کی گرفت سے باہر ہے۔
ہندوستھان سماچار/افضل
/شہزاد
