پٹنہ سے بنگلورو جانے والی اسپائس جیٹ کی پرواز منسوخ، 135 مسافروں نے ہوائی اڈے پرکیا ہنگامہ
پٹنہ، 30 اکتوبر(ہ س)۔ اتوارکے روزاسپائس جیٹ کی بنگلورو جانے والی فلائٹ ایس جی 532 کی اچانک منسوخی کی وجہ سے پٹنہ ہوائی اڈے پر گھنٹوں افراتفری رہی اوررات بھر ان مسافروں میں بے چینی بڑھ گئی جنہیں پیرکے روزاہم کام کے لیے بنگلور پہنچنا تھا۔ تمام مسافر اسپائس جیٹ کے ٹکٹ کاؤنٹرپر پہنچ گئے اور مطالبہ کرنے لگے کہ کسی طرح انہیں دوسری فلائٹ پر بھیجنے کا انتظام کیا جائے۔ اس کے باوجود ایئرلائنز نے طیارے کی کمی کا حوالہ دیتے ہوئے اپنی مجبوری کا اظہار کیا۔
واضح ہو کہ پہلے فلائٹ میں ایک گھنٹہ کی تاخیر ہوئی اور اس کے بعد اسپائس جیٹ فلائٹ کی منسوخی کی اطلاع دی گئی۔ اس کے بعد مسافروں نے ہنگامہ شروع کر دیا۔ جنہیں بعدمیں سمجھا بجھا کرپرسکون کر ایا گیا اور انہیں رات کو ایئرپورٹ کے قریب ایک ہوٹل میں رکھنے کا انتظام کیا گیا۔ جو مسافر پٹنہ سے تھے، وہ گھر واپس چلے گئے لیکن دوسرے اضلاع سے آنے والے مسافروں کو ہوٹل میں ٹھہرایا گیا۔ وہ مسافر جو اہم کام کے لیے بنگلورو جا رہے تھے، وہ پریشان تھے۔ انہیں کسی طرح اتوار کے روز بنگلورو پہنچنا تھا۔ اس کے لے لئے انہوں نے ایئرلائنز سے متبادل انتظام کرنے کے لئے کہا لیکن ایئرلائنز نے اس پر اپنی مجبوری ظاہر کی۔
دراصل فلائٹ کینسل ہونے کی وجہ یہ تھی کہ اتوار کے روز بنگلورو سے پٹنہ آنے والی فلائٹ ایس جی 531 کو منسوخ کردیا گیا تھا، جس کی وجہ سے پٹنہ ایئرپورٹ سے جانے والی فلائٹ ایس جی 532 کو بھی منسوخ کرنا پڑا تھا۔ ایئر لائن کے اہلکار کے مطابق پٹنہ کے باہر سے آنے والے تمام مسافروں کو رات بھر ایک ہوٹل میں رکھا گیا تھا اورکل صبح یعنی آج صبح 11 بجے اسی اسپائس جیٹ کی فلائٹ دوبارہ مسافروں کے ساتھ بنگلوروکے لیے روانہ ہوگی۔
