صدر جمہوریہ مرمو آج سے 2 مارچ تک جھارکھنڈ اور اڈیشہ کے دورے پر، پہلے رانچی جائیں گی
نئی دہلی، 28 فروری صدر جمہوریہ دروپدی مرمو آج (بدھ) سے 2 مارچ تک جھارکھنڈ اور اڈیشہ کے دورے پر رہیں گی۔ وہ آج رانچی میں سنٹرل یونیورسٹی آف جھارکھنڈ کے تیسرے کانووکیشن میں شرکت کریں گی۔ آج ہی وہ اڈیشہ کے رائرنگ پور میں مرکزی حکومت کے ہالی ڈے ہوم کا سنگ بنیاد بھی رکھیں گی۔ یہ اطلاع پریس انفارمیشن بیورو (پی آئی بی) نے ایک ریلیز میں دی ہے۔
پریس انفارمیشن بیورو کے مطابق صدر جمہوریہ رائرنگ پور میں سڑک کے مختلف منصوبوں اور ایک اسپورٹس کمپلیکس کا سنگ بنیاد رکھیں گی۔ اس کے ساتھ ہی وہ برساہی میں ایکلویہ ماڈل رہائشی اسکول کا بھی افتتاح کریں گی۔ صدر جمہوریہ کل (جمعرات) کیونجھر میں گوناسیکا کے کدلیباڑی گاوں میں پی وی ٹی جی کے ارکان سے بات چیت کریں گی۔ اس کے بعد وہ ’’کیونجھر کے جنجاتیوں: جن سموہ، سنسکرتی اور وراثت‘‘ موضوع پر قومی سیمینار کا افتتاح کریں گی۔ صدر جمہوریہ شام کو بھونیشور میں اتکل یونیورسٹی کے 53ویں کانووکیشن میں مہمان خصوصی ہوں گی۔
پی آئی بی کے مطابق صدر جمہوریہ مرمو یکم مارچ کو بھانجا بہار میں برہام پور یونیورسٹی کے 25ویں کانووکیشن میں شرکت کریں گی۔ اس کے بعد میں وہ کٹک میں اڈیشہ برہما کماریج کی گولڈن جوبلی تقریبات میں شرکت کریں گی۔ صدر جمہوریہ بھونیشور کے راج بھون میں حکومت اڈیشہ کی طرف سے پی ایم جنمن کی پیشکش دیکھیں گے۔ ریلیز کے مطابق دورے کے آخری دن 2 مارچ کو صدر جمہوریہ اڈیشہ کے سنبل پور ضلع میں سنتھا کبی بھیما بھوئی سے متعلق مختلف مقامات کا دورہ کریں گی۔ وہ سمبل پور کے منی اسٹیڈیم میں مہیما پنتھ کے پیروکاروں سے بھی ملیں گی۔
