شملہ، 16 اکتوبر (ہ س)۔ مانسون کے جانے کے باوجود ہماچل میں بارش کا سلسلہ جاری ہے ۔ پیر کی صبح سے ریاست کے میدانی اور وسطی علاقوں میں بارش ہو رہی ہے۔ ریاست کے بلند پہاڑی علاقوں میں وقفے وقفے سے برف باری ہورہی ہے جس کے باعث پہاڑی علاقوں میں سردی شروع ہو گئی ہے۔ لاہول اسپتی، کنور، کلو اور چمبہ اضلاع کی اونچی چوٹیوں پر برف باری ہو رہی ہے۔
شملہ ضلع کے نرکنڈہ کے قریب ہاٹو چوٹی، منڈی ضلع میں شکاری دیوی اور سرمور ضلع کے چوڑھار میں موسم کی پہلی برف باری ہوئی ہے۔ 13 ہزار فٹ بلند روہتانگ پاس میں بھی تازہ برف باری ہوئی ہے۔ دارچہ اور سرچو میں برف باری کی وجہ سے منالی-لیہہ سڑک متاثر ہوئی ہے۔ راجدھانی شملہ سمیت ریاست کے میدانی اور وسطی علاقوں میں آج صبح سے ہی موسلادھار بارش ہو رہی ہے۔ طوفان کے باعث بعض مقامات پر بجلی بھی بند ہوگئی۔ بے موسمی بارش کے باعث محنت کش افراد اورا سکول کے بچوں کو آمدورفت میں مشکلات کا سامنا کرنا پڑا۔ موسم کی اس تبدیلی کی وجہ سے درجہ حرارت گر گیا ہے اور پوری ریاست میں سردی نے دستک دے دی ہے۔ پہاڑی علاقوں میں لوگوں نے گرم کپڑے نکال لیے ہیں۔
محکمہ موسمیات کے مطابق پانچ شہروں کلپا، ناہن، کیلونگ، پالم پور اور ڈلہوزی میں پارہ معمول سے کم ریکارڈ کیا گیا ہے۔ کیلونگ میں کم سے کم درجہ حرارت 1.4 ڈگری سیلسیس، کوکمسیری میں 2.1 ڈگری سیلسیس، ریکانگ پیو میں 6.8 ڈگری سیلسیس، کفری میں 8.8 ڈگری سیلسیس، سیوباگ میں 8.5 ڈگری سیلسیس، شملہمیں11 ڈگری سیلسیس، سندرنگر میں 13ڈگری سیلسیس، بھونتر میں 10.1 ڈگری سیلسیس، کلپا میں3ڈگری، دھرمشالہ میں 15.2 ڈگری سیلسیس، اونا میں 15.6 ڈگری سیلسیس، ناہن میں 16.1 ڈگری سیلسیس، پالم پور میں 12.5 ڈگری سیلسیس، سولن میں 11.7 ڈگری سیلسیس، منالی میں 6.1 ڈگری سیلسیس، کانگڑا منڈی میں 15.4 ڈگری سیلسیس،منڈی میں 13 ڈگری سیلسیس، بلاس پور میں 17 ڈگری سیلسیس، چمبہ میں 13.9 ڈگری سیلسیس، ڈلہوزی میں 7.9 ڈگری سیلسیس، جبڑ ہٹی میں 11.5 ڈگری سیلسیس،نارکنڈہ میں 7.6 ڈگری سیلسیس،دھولا کنواں میں 16.9ڈگری سیلسیس، برٹھی میں 15.4ڈگری، سمدھو میں 4.2 ڈگری سیلسیس، مشوبرہ میں 10.8 ڈگری سیلسیس، پاونٹا صاحب میں 22 ڈگری سیلسیس، سراہن میں 8.5 ڈگری سیلسیس اور دیہرہ گوپی پور میں 14 ڈگری سیلسیس درج کیا گیا۔
محکمہ نے آج ریاست میں شدید بارش اور برف باری کے لیے ایلو الرٹ جاری کیا ہے۔ محکمہ نے ریاست کے اونچائی والے علاقوں میں برف باری اور میدانی علاقوں میں 18 اکتوبر تک گرج چمک کے ساتھ بارش کی پیشن گوئی کی ہے۔
ہندوستھان سماچار
