وزیر اعظم مودی آج پالی اور بیکانیر میں دو عوامی جلسوں اور بی جے پی کے روڈ شو میں حصہ لیں گے

نئی دہلی، 20 نومبر (ہ س)۔ راجستھان میں اسمبلی انتخابی مہم میں تمام پارٹیوں کے لیڈر پسینہ بہا رہے ہیں۔ راجستھان بی جے پی کے تمام اہم لیڈر اپنے اپنے اثر و رسوخ والے علاقوں میں ڈیرے ڈالے ہوئے ہیں۔ بی جے پی کے قومی لیڈروں کی طوفانی ریلیوں نے اپوزیشن کی نیندیں اڑا دی ہیں۔ وزیر اعظم نریندر مودی آج (پیر) پالی اور بیکانیر میں ووٹروں سے ملاقات کریں گے۔

بی جے پی کے ایکس پر جاری پروگرام کے مطابق، وزیر اعظم مودی آج دوپہر 12 بجے جاڈن (پالی) میں اور 3:30 بجے پیلی بنگا میں عوامی جلسوں سے خطاب کریں گے۔ اس کے بعد وہ شام 5:30 بجے بیکانیر میں بی جے پی کے روڈ شو میں حصہ لیں گے۔ آج بی جے پی کے قومی صدر جے پی نڈا بھی راجستھان میں انتخابی مہم چلائیں گے۔ نڈا دوپہر 1 بجے شری رام واٹیکا ناتھدوارا روڈ، کنکرولی (راجسمند) میں وجے سنکلپ سبھا میں اور شام 4:05 بجے ادے پور شہر میں وجے سنکلپ روڈ شو میں شرکت کریں گے۔

ہندوستھان سماچار