مغربی بنگال کے وزیر جیوتی پریہ ملک راشن کی تقسیم میں بدعنوانی کیس میں گرفتار
کولکاتا، 27 اکتوبر (ہ س)۔ راشن کی تقسیم میں بدعنوانی کے معاملے میں سینٹرل انفورسمنٹ ڈائریکٹوریٹ (ای ڈی) نے ریاست کے سابق وزیر خوراک اور موجودہ وزیر جنگلات جیوتی پریہ ملک کو رات 3:00 بجے گرفتار کر لیا ہے۔ ای ڈی حکام نے آج صبح اس کی تصدیق کی۔
انہوں نے کہا کہ انہیں 20 گھنٹے سے زائد سرچ آپریشن اور پوچھ گچھ کے بعد گرفتار کیا گیا۔ الزام ہے کہ انہوں نے تفتیشی افسران کو گمراہ کرنے کی کوشش کی اور پوچھ گچھ کے دوران کئی سوالات سے بچنے کی کوشش کر رہے تھے۔ اس کے بعد تحقیقات میں عدم تعاون کا الزام لگا کر انہیں گرفتار کر لیا گیا۔
ای ڈی نے جمعرات کی صبح ان کے گھر پر چھاپہ مارا تھا۔ رات 3:00 بجے گرفتاری کے بعد انہیں مرکزی فورسز کی حفاظت میں سی جی او کمپلیکس میں ای ڈی کے دفتر لے جایا گیا۔ آج انہیں عدالت میں پیش کیا جائے گا۔ ملک نے سی جی او کمپلیکس میں داخل ہوتے ہوئے میڈیا سے بات کی۔ انہوں نے کہا کہ میں ایک سنگین سازش کا شکار ہوا ہوں۔
قابل ذکر ہے کہ ای ڈی نے کولکاتا کے سالٹ لیک علاقے میں واقع وزیر جنگلات ملک کے دو فلیٹوں پر چھاپہ مارا۔ دمدم میں ان کے سابق پرسنل اسسٹنٹ کی رہائش گاہ اور کچھ دیگر مقامات کی بھی تلاشی لی گئی۔ مرکزی تفتیشی ایجنسی نے اس معاملے میں بکیب الرحمن نامی ایک تاجر کو گرفتار کرچکی ہے۔
ہندوستھان سماچار
/شہزاد
