لداخ، 02 نومبر (ہ س)۔
شمالی فوج کے کمانڈر لیفٹیننٹ جنرل اوپیندر دویدی نے جمعرات کو لداخ میں لائن آف ایکچوئل کنٹرول (ایل اے سی) کے ساتھ آپریشنل اور سیکورٹی تیاریوں کا ایک جامع جائزہ لیا۔ چیلنجنگ خطوں اور سخت موسمی حالات میں کئے گئے اس دورے نے تعینات فوجیوں کے غیر متزلزل عزم اور لگن کو اجاگر کیا۔
لیفٹیننٹ جنرل دویدی کا معائنہ لداخ سیکٹر میں ایل اے سی کے ساتھ ساتھ اہم فوجی فارمیشنوں پر مرکوز تھا۔ اپنے دورے کے دوران انہوں نے فرنٹ لائن دستوں سے رابطہ کیا، سینئر افسران سے معلومات حاصل کی اور آپریشنل اور سیکورٹی تیاریوں کے مختلف پہلوو¿ں کا مشاہدہ کیا۔ لیفٹیننٹ جنرل دویدی نے ملک کی سرحدوں کی حفاظت کے لیے فوجیوں کے غیر متزلزل عزم کی تعریف کی۔ انہوں نے ہندوستان کی سلامتی اور خودمختاری کو یقینی بنانے میں فوجیوں کے اہم کردار پر زور دیا۔
شمالی فوج کے کمانڈر لیفٹیننٹ جنرل اوپیندر دویدی نے بدھ کو سیاچن گلیشیئر کا دورہ کیا۔ آرمی کمانڈر نے سیاچن بیس کیمپ میں جنگی یادگار پر ملک کے لیے جانیں قربان کرنے والے بہادر جوانوں کو خراج عقیدت پیش کیا اور بیس کیمپ اور فارورڈ پوسٹوں کا بھی دورہ کیا اور وہاں آپریشنل تیاریوں کا جائزہ لیا۔
ہندوستھان سماچار
