بھارت نے ببر خالصہ سے وابستہ گینگسٹر لکھبیر لانڈا کو دہشت گرد قرار دیا
نئی دہلی، 30 دسمبر (ہ س)۔ بھارت نے ببر خالصہ انٹرنیشنل سے وابستہ گینگسٹر لکھبیر سنگھ لانڈا کو دہشت گرد قرار دے دیا ہے۔ وہ فی الحال کینیڈا کے ایڈمنٹن (البرٹا) میں رہتا ہے۔ حکومت ہند نے یہ فیصلہ غیر قانونی سرگرمیاں ایکٹ کے تحت لیا ہے۔ لانڈا پنجاب کے ضلع ترن تارن کا رہائشی ہے۔ مرکزی وزارت داخلہ نے جمعہ کو اس سلسلے میں ایک نوٹیفکیشن جاری کیا۔
نوٹیفکیشن کے مطابق لانڈا پاکستان سے بھارت میں اسمگل کیے جانے والے ہتھیاروں اور آئی ای ڈی ڈیوائسز کی نگرانی کرتا ہے۔ لانڈا 9 مئی 2022 کو پنجاب پولیس کے انٹیلی جنس ہیڈ کوارٹر پر راکٹ سے چلنے والے دستی بم حملے کا ماسٹر مائنڈ بھی ہے۔ پنجاب پولیس اور این آئی اے نے اس کے خلاف مقدمہ درج کیا ہے۔ وہ اس وقت مفرور ہے اور کینیڈا میں روپوش ہے۔ لانڈا کا کینیڈا میں خالصتان کے حامی عناصر سے بھی تعلق ہے۔
پنجاب پولیس کے مطابق لانڈا پنجاب کے ساتھ ساتھ ملک کے مختلف حصوں میں دہشت گردی ماڈیول کو کھڑا کرتا ہے۔ جبراً وصولی، قتل، دھماکوں، منشیات اور اسلحہ کی اسمگلنگ میں بھی ملوث ہے۔ لانڈا کے خلاف 2021 میں ایک لک آوٹ سرکلر جاری کیا گیا تھا۔ این آئی اے نے اس پر انعام کا بھی اعلان کیا ہے۔
ہندوستھان سماچار
/شہزاد
