ریو پارٹی میں سانپ کا زہر اور غیر ملکی لڑکیاں سپلائی کرنے کا الزام
– نوئیڈا پولس اور محکمہ جنگلات کی ٹیم نے 5 سانپ پکڑنے والوں کو گرفتار کیا
غازی آباد، 03 نومبر (ہ س)۔
نوئیڈا کے سیکٹر-49 پولیس اسٹیشن میں ‘بگ باس او ٹی ٹی-2’ کے فاتح اور یوٹیوبر ایلوش یادو اور دیگر کے خلاف مقدمہ درج کیا گیا ہے۔ اس پر ریو پارٹیوں میں سانپ کا زہر اور غیر ملکی لڑکیوں کو سپلائی کرنے کا الزام ہے۔ نوئیڈا پولیس اور محکمہ جنگلات کی ٹیم نے 5 سانپ پکڑنے والوں کو گرفتار کیا ہے۔ ان کے پاس سے 5 کوبرا اور کچھ زہر برآمد ہوا ہے۔
این جی او پیپل فار اینیمل کے اینیمل ویلفیئر آفیسر گورو گپتا نے نوئیڈا کے سیکٹر 49 پولیس اسٹیشن میں ایف آئی آر درج کرائی ہے۔ اپنی شکایت میں گورو گپتا نے کہا کہ ایلوش یادو اپنے ساتھیوں کے ساتھ نوئیڈا اور این سی آر کے فارم ہاو¿سز پر غیر قانونی ریو پارٹیاں منعقد کر رہا تھا۔ ان پارٹیوں میں باقاعدگی سے آنے والی غیر ملکی لڑکیاں سانپ کا زہر اور دیگر منشیات کھاتی ہیں۔
اس پر پولیس کے ایک مخبر نے ایلوش یادو سے رابطہ کیا اور اس سے کہا کہ وہ نوئیڈا میں ایک ریو پارٹی کا اہتمام کریں اور کوبرا زہر کا بندوبست کریں۔ ایلوش اپنے ایجنٹ راہل کا فون نمبر دیتا ہے اور کہتا ہے کہ مجھے نام لے کر کال کریں، وہ سب بندوبست کر دے گا۔ جیسے ہی مخبر نے ایلویش کے نام سے راہل سے بات کی، وہ ایک ریو پارٹی اور دیگر انتظامات کرنے پر راضی ہوگیا۔
مخبر نے اسے نوئیڈا کے سیکٹر-51 میں واقع بینکوئٹ ہال میں بلایا اور ڈی ایف او نوئیڈا اور پولیس کو اطلاع دی۔ راہل اور دیگر وہاں پہنچ گئے۔ وہ اپنے ساتھ 9 سانپوں کا زہر لایا تھا۔ اسی دوران پولیس وہاں پہنچ گئی اور سبھی کو گرفتار کر لیا۔ پولس کے مطابق راہل، تیتوناتھ، جیکرن، نارائن اور رویناتھ کو گرفتار کیا گیا ہے۔ پولیس نے ایلوش یادو سمیت چھ ملزمان اور کچھ نامعلوم لوگوں کے خلاف وائلڈ لائف پروٹیکشن ایکٹ کے تحت ایف آئی آر درج کی ہے۔
ہندوستھان سماچار
