اسلام آباد، 10 فروری ۔
پاکستان کے عوام نے عام انتخابات میں جیل میں بند سابق وزیراعظم عمران خان پر بے پناہ محبت کا اظہار کیا ہے۔ اب تک 250 سیٹوں کے نتائج کا اعلان ہو چکا ہے۔ ان میں خان کی جماعت پاکستان تحریک انصاف کو 99 آزاد امیدواروں کی حمایت حاصل ہے اور وہ انتخابات جیت کر سب سے آگے ہیں۔
سابق وزیراعظم نواز شریف کی جماعت پاکستان مسلم لیگ (ن) کو 71 نشستیں حاصل ہوئی ہیں۔ اب صرف 15 سیٹوں کے نتائج آنا باقی ہیں۔ ملک میں قومی اسمبلی کی 336 میں سے 266 نشستوں کے لیے ووٹنگ ہو تی ہے۔ باجور حملے میں ایک امیدوار کی ہلاکت کے بعد ایک نشست پر ووٹنگ ملتوی کر دی گئی تھی۔ بلاول زرداری بھٹو کی پاکستان پیپلز پارٹی (پی پی پی) کو صرف 53 نشستیں ملی ہیں۔ جے یو آئی ایف کو دو اور دیگر کو 33 نشستیں ملیں۔
سابق وزیراعظم عمران خان جیل میں ہیں اور ان پر الیکشن لڑنے پر پابندی ہے۔ لہٰذا 71 سالہ خان کے پاکستان تحریک انصاف کے امیدوار نے آزاد حیثیت سے الیکشن لڑا جب سپریم کورٹ نے الیکشن کمیشن کی جانب سے پارٹی کو اس کے انتخابی نشان کرکٹ کا ’’بلا‘‘ سے محروم کرنے کے فیصلے کو برقرار رکھا۔ ووٹوں کی گنتی کے نتائج سے اب یہ واضح ہو گیا ہے کہ کسی کے پاس نئی حکومت بنانے کے لیے مطلوبہ 133 نشستیں نہیں ہیں۔ نئی حکومت جوڑ توڑ سے ہی بنے گی۔
