نیو یارک ،23اکتوبر (ہ س )۔
امریکی شہر نیویارک کے میئر کے انتخاب سے قبل ہونے والے آخر ٹی وی مباحثے میں ڈیموکریٹک امیدوار ظہران ممدانی اپنی برتری برقرار رکھنے میں کامیاب ہوگئے۔غیرملکی میڈیا کے مطابق امریکی شہر نیویارک کی میئرشپ کے لیے اگلے ماہ کی 4 تاریخ کو ہونے والے انتخابات سے قبل ٹیلی ویژن پر گرما گرم مباحثہ ہوا۔
اس انتخاب میں سب سے نمایاں ڈیموکریٹ امیدوار ظہران ممدانی نظر آرہے ہیں، ان کے علاوہ نیو یارک کے سابق گورنر اینڈریو کوومو اور ریپبلیکن کرٹس سلیوا آئندہ ماہ انتخاب میں حصہ لیں گے۔
تینوں امیدواروں کے درمیان کے انتخاب سے قبل یہ دوسرا اور آخری مباحثہ تھا جو لانگ آئی لینڈ سٹی میں منعقد ہوا۔
امیدواروں نے ایک دوسرے کی دفاعی لائنز پر کھل کے حملے کیے، تاہم ان لفظی حملوں میں لی گئی پوزیشن کے حوالے تجزیہ کار پہلے سے قیاس آرائیاں کرچکے تھے مثال کے طور پر امریکی صدر ڈونالڈ ٹرمپ اور غزہ کی جنگ کے موضوعات اس مباحثے میں کافی واضح نظر آئے۔
رپورٹ کے مطابق ظہران ممدانی اپنی متاثر کن برتری برقرار رکھنے میں کامیاب نظر آئے، انہوں مفت بس سروس، کرایاجات کو منجمد کرنے، چائلڈ کیئر کے حوالے سے بات کی۔ مباحثے کے دوران ممدانی کے مدِمقابل سابق نیو یارک گورنر انڈریو کوومو نے ممدانی کے پروگرامز کو غیرحقیقت پسندانہ قرار دیتے ہوئے ان کو حکومتی امور میں ناتجربہ کار قرار دیا۔یہ بتاتے چلیں نیویارک کے موجودہ میئر ایرک ایڈمز الیکشن کی اس دوڑ سے پہلے ہی خود کو الگ کرچکے ہیں۔
ہندوستھان سماچار
ہندوستان سماچار / عطاءاللہ
