صدر ٹرمپ مجھ پر حملہ کر رہے ہیں: ظہران ممدانی

نیو یارک ،03جولائی (ہ س )۔

نیویارک میئر کی دوڑ میں ڈیموکریٹک امیدوار ظہران ممدانی ان دنوں سرخیوں میں ہیں ۔ امریکی صدر پہلے ہی ان کی ممکنہ امیدواری کے بعد ان کے نظریات کو لے کر سلسلہ وار حملہ آور ہیں ۔صدر ٹرمپ کے لگا تار حملہ پر ممدانی کا کہنا ہے کہ صدر ٹرمپ محنت کش مڈل کلاس کے خلاف صدارتی اقدامات سے توجہ ہٹانا چاہتے ہیں اور اسی لیے مجھ پر وار کر رہے ہیں۔ظہران ممدانی نے کہا کہ صدر ٹرمپ نے مجھے گرفتار کرنے، ملک بدر کرنے اور امریکی شہریت ختم کرنے کی دھمکی دی ہیں۔ انہوں نے کہا کہ صدر ٹرمپ نہیں چاہتے کہ میں کام کرنے والے لوگوں کی حقوق کی بات کروں، ان لوگوں کی بات کروں جنہیں مہنگائی کے باعث نیو یارک چھوڑنے پر مجبور کیا گیا۔

ظہران ممدانی نے کہا کہ صدر ٹرمپ نے اپنی انتخابی مہم میں مہنگائی کم کرنے کا وعدہ کیا تھا جس سے اب وہ منحرف ہو رہے ہیں۔ اِس لیے اپنی ناکامی چھپانے کے لیے مجھ پر حملے کر رہے ہیں۔

ہندوستھان سماچار

ہندوستان سماچار / عطاءاللہ