اندھا دھند فائرنگ میں 22 افراد ہلاک، 50 سے زائد افراد زخمی
واشنگٹن، 26 اکتوبر (ہ س)۔ امریکہ کے لیوسٹن شہر میں بدھ کی شب ایک شخص کی اندھا دھند فائرنگ سے 22 افراد ہلاک ہو گئے۔ اس کے علاوہ 50 سے زائد افراد زخمی ہیں جنہیں اسپتال میں داخل کرایا گیا ہے۔ زخمیوں میں سے کئی کی حالت تشویشناک ہے، اس لیے ہلاکتوں میں اضافے کا خدشہ ہے۔ حملہ آور تاحال پولیس کی گرفت میں نہیں آیا۔ اینڈروسکوگن کاونٹی شیرف کے دفتر نے حملہ آور کی تصویر جاری کی اور لوگوں سے محتاط رہنے کی اپیل کی ہے۔
پولیس کے مطابق بدھ کی رات ایک شوٹر نے اندھا دھند فائرنگ کر کے 22 افراد کو ہلاک کر دیا۔ فائرنگ سے 50 سے زائد افراد زخمی ہوئے جنہیں مختلف اسپتالوں میں داخل کرایا گیا ہے۔ پولیس حملہ آور کی تلاش کر رہی ہے۔ پولیس نے حملہ آور کی تصویر جاری کرتے ہوئے لوگوں سے مدد طلب کی ہے۔ پولیس اس گاڑی کی بھی تلاش کر رہی ہے جس پر حملہ آور سوار تھا۔
لیوسٹن، اینڈروسکوگن کاونڈی کا حصہ ہے۔ اینڈروسکوگن کاونٹی شیرف کے دفتر نے ایک بیان جاری کیا جس میں کہا گیا ہے کہ واردات کی تحقیقات کی جا رہی ہیں اور کاروباریوں سے ادارے بند کرنے کی اپیل کی گئی ہے۔ محکمہ پبلک سیفٹی کے ترجمان نے لوگوں سے گھروں میں رہنے اور زیادہ محتاط رہنے کی اپیل کی ہے۔
ہندوستھان سماچار
/شہزاد
