بالی ووڈ کے مشہور گلوکار اور ریپر بادشاہ ان دنوں اپنی ذاتی زندگی کو لے کر سرخیوں میں ہیں۔ اداکارہ مرنال ٹھاکر کے ساتھ بادشاہ کی تصویر سوشل میڈیا پر وائرل ہونے کے بعد یہ بحث چھڑ گئی ہے کہ وہ ان کے ساتھ ڈیٹ کر رہے ہیں۔ یہ تصویر دیوالی پارٹی کی ہے۔ اب بادشاہ نے اس پر رد عمل ظاہر کرتے ہوئے بات چیت کو ختم کر دیا ہے۔
ملک بھر میں دیوالی بڑی دھوم دھام سے منائی گئی ۔ عام آدمی سے لے کر بڑے تک ، سب جوش و خروش سے دیوالی مناتے ہوئے نظر آئے ۔ کئی فنکاروں کے گھروں پر دیوالی پارٹیوں کا اہتمام کیا گیا۔ اداکارہ شلپا شیٹی کے گھر کی پارٹی نے سب کی توجہ اپنی جانب مبذول کرلی۔ انہوں نے کئی اداکاروں کو پارٹی میں مدعو کیا تھا۔ اس دوران اداکارہ مرنال ٹھاکر اور بادشاہ کی ایک ساتھ تصویر دیکھ کر سب حیران ہیں۔ افواہیں ہیں کہ دونوں ایک دوسرے کو ڈیٹ کر رہے ہیں۔ اب بادشاہ نے اس پر ردعمل دیا ہے۔
بادشاہ نے اپنے آفیشل انسٹاگرام اکاونٹ پر ایک اسٹوری پوسٹ کی ہے۔”پیارے انٹرنیٹ، میں آپ کو ایک بار پھر مایوس کرنے کے لیے مخلصانہ طور پر معذرت خواہ ہوں۔ بادشاہ نے اپنے آفیشل انسٹاگرام اکاونٹ پر لکھا’جیسا آپ سوچتے ہیں، ویسا کچھ بھی نہیں ہے‘۔
شلپا شیٹی نے 11 نومبر 2023 کو دیوالی پارٹی کی میزبانی کی۔ اس پارٹی میں بالی ووڈ کے کئی اداکاروں کو مدعو کیا گیا تھا۔ اس دوران پارٹی میں اداکارہ مرنال ٹھاکر اور بادشاہ کی ایک تصویر وائرل ہوئی۔ اس تصویر میں دونوں کو ایک ساتھ پارٹی چھوڑتے ہوئے دیکھا گیا۔ یہ بھی دکھائی دے رہا ہے کہ مرنال نے بادشاہ کا ہاتھ پکڑ رکھا ہے۔ اس وقت ان کی اس تصویر نے سوشل میڈیا پر سب کی توجہ مبذول کر رکھی ہے۔
مرنال کے کام کی بات کریں تو وہ حال ہی میں فلم ”پیپا“ میں ایک اہم کردار میں نظر آئیں۔ اس فلم میں ان کے ساتھ اداکار ایشان کھٹر نظر آئے تھے۔ بادشاہ ایم ٹی وی چینل کے شو ”ہسل 3.0“ میں جج کے طور پر نظر آ رہے ہیں۔
ہندوستھان سماچار
